الجمعة، 9 نوفمبر 2012

دماغي الجذمة...




من كام سنة فاتوا...

-مش هتنزل تجيب هدوم شتوي ؟
-لسة يا أمي لسة.
-يابني الدنيا خلاص بردت.
-يا ستي انا غيركم مانتي عارفة ، صيف شتا حران.
-هايجيلك برد انت حر.

و بعد ما يجيلي برد...

-مبسوط ؟ قولتلك هايجيلك برد مسمعتش كلامي و عملتلي فيها طرازان.
-خلاص يا حجة اللي حصل حصل طيب.
-اعملك حاجة سخنة ؟
-و عايز بقسماط.
-بتتأمر كمان.
-هوا الواحد بيعيا كل يوم.
-يعني مبسوط و انت راقد و متنيل كده ؟
-لا مبسوط اني هاكل بقسماط ، دانا بستنا اعيا مخصوص عشان اجيبه.

السنة اللي فاتت...

-يابني تقل الدنيا بردت.
-لسة بدري.
-بدري ايه الشتا خلاص دخل.
-لا و انتي مسمعتيش ؟ الشتا مبقاش زي زمان ، انتي معندكيش خلفية ولا إيه ؟
-لا يا شيخ.
-اه و ربنا فاكراني بهزر ؟ الاحتباس الحراري غير مناخ الأرض خالص انتوا مش حاسين بحاجة اصلكوا.
-هايجيلك برد انت حر.

و بعد مايجيلي برد...

-يا حجة انتي شمتانة فيا ولا حاجة ؟ هوا انا مش ابنك بردو ولا لاقيتوني علي باب جامع ؟
-عشان بعد كده تسمع كلامي ، من يومك قفل و دماغك جزمة.
-ماشي ماشي متنسيش البقسماط بقا.

النهاردة...

-الشتا داخل هاتتقل إمتا ؟
-أما يجيلي برد. :@

6 التعليقات:

غير معرف يقول...

يعنى الحق علينا قلبنا علك

ياسمين يقول...

قلب الأم دايما صح
^_^

خيط الحرير يقول...

بسم الله والصلاة علي رسول الله
جميل الشتا...فبضد الأشياء تتباين الأشياء...
قارص هو مثل أيامنا البارده رغم أن لمحة دفء فيه واحده تنقش سطورا لا تنسي حتي الألم فيه بطعم خاص....
يذكرني بالمطر ولمعان الشجر ورائحة التراب المبلل تحت الحقول...
أنا ايضا أتمني أن يأتي الشتاء وتمطر السماء دفئا وشفاء..!!!
ألا ترين أن جرحي يرتعد
فأمطري
دع البرد يجمد الوجع الطري
وأمطري
أمطري
أمطري
لأعود ربا من جديد
طفلة الورد الوليد
وغصن البان طهري
فأمطري وأمطري وأمطري
إجرفي الزمن العتي عن طريق المعجزات
الواقفات تنتظر
حلمها المستتر
نحو خطو الأمنيات
أمطري
وأمطري وأمطري
لأستكين مؤمنه
فانهضي يا مسلمه
من يأس العمرالجحود
حطمي كل القيود
وأمرحي بالسحابات
وأستعيدي الرحابات
وأرقصي
فوق النجوم
وادهسي كل الهموم
الواقفات تفترس
حلمك المستتر
خلف عجز الأمنيات
ألا ترين أن جرحي يرتعد؟!

دمت أخي بخير.


Reem Al-migbel يقول...
أزال المؤلف هذا التعليق.
Reem Al-migbel يقول...

لقد أضحكتني كثيييييييييرا فلقد أعادت لي بعضًا من ذكرياتي الجميلة مع الوالدة العزيزة
أشكرك على نشرها..

doaa mohamed saad يقول...

ههههههههههههههه حلوة دى فكرتنى بماما ^_^

Share |