الاثنين، 8 فبراير، 2010

...عايز شبشب بصباع

بمناسبة عيد الحب نسيت اقولكوا ميري كريسمس اند هابي نيو يير ، و بالمناسبة دي قولت اروق المدونة ف حطيت كلمة ويلكوم بالترتر و الجليتور انتوا عارفين اخوكوا مالوش تقل علي الحاجات دي بس بحب اشوف الدباديب اللي في الشوارع و القلوب و الحاجات الشفتشي ديhi5 smileysمن باب انها حاجة تخلي الواحد يحس باقبال ع الحياة مع انه مالوش (حتة)hi5 smileysبس معلش مسيري اجيب جاكت جلد و يبقالي حتت مش حتة واحدة و ابقا واد صايع و منحرف و منحل و اضحك ع البنات و اقلبهم ف فلوسهمhi5 smileysنهاركم بيضحك...

الجمعة، 5 فبراير، 2010

أخر زمن



باركولي انا خفيت الحمد لله طلعوا شوية برد بيهزروا معايا بس طبعا الكونجستال خلاني هيست و دماغي لسعت كالعادة..معرفش اي الغرض من وضع منومات و مهدئات و مهيسات في كل دوا ضد اعراض البرد،بيقولوا عشان الواحد يتهد و يرتاح...بس الظاهر معايا انا بتقلب بتهييس...المهم خلينا نشرح شوية نقط للناس اللي جرتها رجليها للمدونة دي و متعرفش ماهو الميج ولا اي شعار المدونة ده اللي ملزوق فوق بالتفافة.
أولا يا سادة...الميج ده برنامج شات بس يختلف نوعا عن برامج الشات المعتادة...في الواقع يختلف كتير جدا،لأنه برنامج مخصص للموبايل فقط و يعمل من خلال الموبايل انترنت..صحيح ليه موقع ع الكمبيوتر بس كل المزايا الخاصة بيه متاحة في اصدارة الموبايل..مالكوا متنحين ليه ؟؟؟في ناس مش فاهمة...نوضح اكتر،يعني بالعربي كده الميج ده ماسنجر للموبايل بس و عيبه انك بتدفع كل يوم جنيه للشبكة اللي انتا بتدخل منها رسم دخول...طبعا اكتر اللي بيدخلوا بيستخدموا ثغرات و اخطاء السيستم في الشبكات عشان يدخلوا ببلاش..وانا واحد منهم للأسف...وضحت الرؤية كده؟ نيجي بقا نشرح وجه الأختلاف بين البرنامج ده و بين بقية البرامج المعتادة للكمبيوتر..اولا محدش بيستغني عن موبايله خصوصا عندنا ف مصر معتبرينه زي المية و الهوا و ده موضوع تاني مش عايز ادخل فيه..اللي انا عايز اقوله ان البرنامج بيديك امكانية انك تفتح اميلاتك كلها بالاضافة لاميلك الخاص ع البرنامج نفسه في اي وقت و اي مكان علي عكس الكمبيوتر اللي بيفرض عليك حدود الزمان و المكان...كمان لما تتوغل ف البرنامج و تبدأ تعرف ناس جديدة و تدخل الرومات بتبدأ في مرحلة الأدمان للبرنامج لدرجة انك بتفضل فاتح اونلاين في اي وقت و اي مكان حتي و انت ماشي ف الشارع...و ياما صحاب ليا عليه كانت هاتنشهم عربية و هما متنحين ف الموبايل و منفصلين عن العالم...بأختصار ميج عالم كبير اشبه بالعام الواقعي لأنك كتير بتقابل ناس منه ف الواقع و تتعرف عليهم...منصحش حد ينزل البرنامج ده لأنه مصيبة احنا في غني عنها و مش ناقصين..كمان البرنامج ده كان سبب فشلي في كلية دار علوم القاهرة اللي بعد مانجحت فيها بمادتين من سبع مواد الحمد لله...حولت لأداب علم نفس جامعة حلوان...طبعا مشوار طويل جدا مقارنة بجامعة القاهرة اللي جنب بيتنا...بس بصراحة جامعة حلوان بردوا طلعت جامعة ليها احترامها و حبيتها كتير عن جامعة القاهرة مع اني ماليش اصحاب في جامعة حلوان لحد دلوقت،بس بحس ان جامعة حلوان عملية و محترمة عن القاهرة و مش بلاقي عروض الأزياء اللي كنت بشوفها في القاهرة
Share |