الثلاثاء، ١٦ أغسطس ٢٠١١

صندوق الذكريات...


كل شئ يتغير دائماً...
لكنه حين يتغير يتحول بمرور الوقت لروتين تظنه سيدوم للأبد ، و تنزعج حين يتغير مرة أخري ليحل مكانه روتين آخر...
الأمر ليس بهذه البساطة ، خاصة مع شخص يتغذي علي الروتين مثلي...
منذ أيام تعطل مشغل الموسيقي الخاص بي ، إلي الأبد ، حتي لم أعد قادراً علي الدخول لذاكرته لنسخ الأغاني ، لذا قبلته في أسي و ووضعته مع إخوته في "صندوق الذكريات" ، مع شخص مثلي لا يعني الأمر مجرد فقدان لجهاز عزيز أو مجموعة أغاني ، و إنما فقدان لذكريات رائعة ، لروتين يصعب تصور حياتي بدونه ، صرت كلما استقل المترو أنظر لهضبة حلوان من بعيد متذكراً أغاني فيروز التي ارتبطت معي بتلك المشاهد للهضبة...
كذلك الأمر مع هاتفي القديم الذي مازلت أحتفظ به رغم أنه ميت كلياً ، و كشاكيل محاضراتي القديمة ، و كتب و ملازم السنوات الماضية...
أنا أعاني من مشكلة مزمنة في التخلص من تلك الأشياء العزيزة ، التي لي معها ذكريات علي وجه الخصوص ، حتي لو جلبت نسخ أخري منها بنفس الملامح ، لن يعود أبداً الأمر كما كان...
إنها "روح الأشياء" كما أحب أن أسميها ، روح الأشياء التي هي بالنسبة لي أوفي الموجودات و أقربها لي أكثر من أي بشر...

16 التعليقات:

sabry abo-omar يقول...

أراك جميلا بتلك الرومانسية لإرتباطك بالأشياء ولكنها متعبة مع الوقت.. المشكلة ياصاحبى أكتر لو كنت بترتبط بالأشخاص والأماكن كمان.. أنا للأسف كدة لما بأقابل حد شوفته وله عندى شوية ذكريات بتلاقينى بأبص ليه بشوية شجن وبأعامله بطريقة بيقول عليا مجنون وطبعا المشكلة أكبر لو بنت.. المهم أسجل إعجابى بكلماتك ومشاعرك وذكرياتك..كل سنة وانت طيب

sabry abo-omar يقول...
أزال المؤلف هذا التعليق.
Tamer Moghazy يقول...

انحني احتراما لطريقة حياتك الرائعة بكل هذا (الروتين) المحبب الي..!!
روح الاشياء.. والارتباط بها..
علاقة لا يراها الا ذوي الحس المرهف..
ولا يفهمها الا احد الطرفين فقط..!!

اغرب ما في الموضوع ان كلماتك تتزامن مع بوست جديد لي يحمل نفس المعنى ولكن ليس بنفس العمق في الاحساس..
نفس الاسم (تقريبا)..
نفس الصورة (تقريبا)..ولكن ليس بقوة التعبير..!!

تحية صباحية لك :)

hend anwar يقول...

بالظبط كداا الروح ....آآآ

فراشة يقول...

صباح الذكريات :)

"أنا أعاني من مشكلة مزمنة في التخلص من تلك الأشياء العزيزة "

" روح الأشياء "

بصراحه كنت همششي زي كل مره من غير تعليق عشان مش بلاقي كلام أحلى من اللي اتقال

بس البوست جميل ورقيق قوي
وكمان عشان الأشياء بالنسبه لي أيضا ليست مجرد أشياء أنا بعتبرها أجزاء مني هي أشياء قد يراها البعض جمادا وقد يراها البعض أروحا تسعي لتمتزج بأرواحنا كليا لذلك يصعب علينا فراقها


مش عارفه اقول ايه
بس انا مبسوطه ومبتسمه جدا بكميه المشاعر الجميلةدي

شمس النهار يقول...

الارتباط بالاماكن والاشياء

ده مش مرض اكتر منه وفاء
الانسان اللي بيرتبط بحاجاتة واماكنه وتفاصيلة
انسان وفي جدااااا

مدونة رحلة حياه يقول...

السلام عليكم
حسنى كيفك عامل ايه
روح الأشياء التي هي بالنسبة لي أوفي الموجودات و أقربها لي أكثر من أي بشر...
لما بنرتبط بشئ بتكون علاقتنا بيه مختلفة وجميلة وبمعانى واحاسيس رائعة
دومت بخير

Noha Saleh يقول...

نفس المشكلة عندى

صناديق ودواليب من الاشياء المهمة بالنسبة لى جدا

يراها الجميع....مجرد كركبة

Unknown يقول...

د.صبري...
انا بردو عندي نفس المشكلة مع الأماكن ، صعب افارق مكان عاشرته مدة طويلة ، انما مع الناس مظنش و الحمد لله اني مش كده مع الناس :)))
كل سنة و انت بألف خير...

Unknown يقول...

تيمو...
محدش مبيرتبطش مع الأشياء اللي اتعود عليها ، كل ما عاشر الشئ ارتبط بيه أكتر لحد ما يبقا اشبه بجزء من روحه صعب يستغني عنه...
خير خير كده ميبقاش انا بس المجنون الوحيد :))

Unknown يقول...

sun of free dom...
عليك نوووووور :))

Unknown يقول...

فراشة...
انا عارف أول مرة اكتب حاجة روحية شوية ، انا مش متعود اكتب حاجة عن نفسي أساساً كل اللي كنت بكتبه كان بيبقا حاجات خيالية ، بس البوست ده فعلاً بيعبر عني جداً...
مبسوط ان البوست عجبك :))

Unknown يقول...

شمس النهار...
مين جاب سيرة المرض بس :)) هيا الحقيقة انا وفي جداً مع الأشياء و الأماكن ، لكن مع البشر واطي أوي :))

Unknown يقول...

محمد متولي...
لما بنرتبط بشئ بنعتبره جزء من روحنا لإنه فعلاً مش بيرتبط بحاجتنا ليه أد ارتباطنا بيه كجزء من روحنا ، يعني هيا فعلاً حاجة عاطفية مش عقلية...

Unknown يقول...

نها صالح...
نفس كلام امي بتقولي كركبة بردوا و ترمي الكتب القديمة و الملازم من ورايا و لما بعرف بيبقا يوم مش فايت :))

غير معرف يقول...

يعنى انتى دى اهو يا حسنى ما انتى عارف انا ليا ذكريات مع كل حاجه

Share |