الخميس، 19 أغسطس، 2010

...أريد


أصبحت فجأة خائفا ، و كأنني عدت طفلا مرة أخري...
في الواقع لا أذكر أنني كنت أخاف في صغري ، و من الواضح أن طفولتي ظهرت متأخرة للغاية...
لم أعد أشعر بأمان ، أشتاق لحضن دافئ من أمي ولو للحظات ، و لكني أخجل منها و لم أعتد أن أكون ضعيفا أمامها...
أحتاج أن أبكي دونما سبب ، أريد أن أملأ الدنيا صراخا ، أريد أن أخلع قناع الوقار الذي أرتديه أمام الناس ، أريد أن أضحك بجنون ، أريد أن أكون مراهقا ، أريد أن ارسل رسائل غرامية لبنت الجيران التي هاجرت منذ عامين ، أريد أن استحم في نافورة الميدان عندما أشعر بالحر و الظمأ ، أريد أن أستلقي أسفل شجرة لا تغمرني بالحشرات القارصة ولو لمرة واحدة ، و علي أمتار مني يلعب أطفال بارعوا الجمال يجري أحدهم نحوي باسطا ذراعيه في سعادة ، أريد أن أغمض عيني لتقبل وجهي نسمات الهواء المعبقة برائحة الفل و الياسمين...
أريد أن أغرق في هذا كله دفعة واحدة في لحظة واحدة حتي أثمل لأقصي درجة ، حينها يمكنني أن أموت راضيا عن نفسي و حياتي...

32 التعليقات:

mrmr يقول...

ايه الافكار الجنونيه دى

هى الحاله دى بتكرررر كثير

اتمنى انها لا تدوم

الحب الجميل يقول...

وانا كمان أريد

Mona يقول...

فى داخل كل أنسان بالغ طفل يريد أن يلعب وكلنا هذا الأنسان وهذا الطفل وكم من أمانى شقية نريدها ونرغب فيها فحقق منها ما تستطيع أن تحققه ولا تخجل من حضن الأم مهما كبرت فليس هناك أجمل من ذلك الحضن أى كان العمر كن على ثقة من ذلك
جميلة ياحسنى أحب هذا النوع من الكتابات والخواطر جدا
تحياتى

basma bahaa يقول...

انا لو راجل زيك
مكانش فى اى حاجة هتقدر تمنعنى من كل دا!
متترددش لحظة فانك تنطلق وقت ماتحس انك محتاج لدا
وخصوصا لما يكون كل اللى محتاجة لا عيب ولا حرام!
خايف من ايه ومكسوف من مين!

غير معرف يقول...

داندورما
ليه البوست غامق قوى كده النهارده
كلنا بيجي علينا وقت وبنخاف قوى
من حاجه او على حاجه...
ممكن الوحده هى اللى بتخوف اكتر حاجه
تعرف انى احيانا كتيرة قوى باتمنى ارجع صغيرة تانى علشان اجرى واضحك والعب فى الرمل زى زمان من غبر قيود ولا خنقه من نظرات الناس...
بس بلاش سيرة الموت...دى حياة وبنعيشها مرة واحده
بلاش تستعجل نهاية الفيلم
تحياتى

Ramy يقول...

اية و اد دة يا واد

طب مش تقول و كنا اتجننا مع بعض

(:(:

لا يا حسنى بالنسبة لوالدتك خدها فى حضنم ميهمكش متكسفش

عمرها ما هتشوفك ضعيف صدقنى

هى شيفاك ابنها بس

عارف ان دة صعب ان انت تعمله بسهوله بس اعمله و ميهمكش

بس موضوع النافورة مش هقدر صراحة (:(:(:

رمضاااان كريم

طالبة مقهورة ..درجة أولى يقول...

تعرف يا سحس

سعات الرغبة بتكون مليانة من جوا ونفسنا نعمل حجات بس مش قادرين

يمكن ده رد فعل على حاجة غير تقليدية او غير معتاده ان نعملها

او يمكن بدأنا نتجنن ونص البرج اللي فاضل بيحاول يفرض سيطرته

فالحالتين بحسه تحدي انك تحقق الرغبة ديه
انا لو مكانك ومع اني نفسي ف كل اللي قولت عليه(باستثناء النافورة)

مش هتجيلي جرأة اعمل ولا حاجة منهم :)

Atef Shahin يقول...

اعجبني صدق المعاني وعفوية التعبير وسلاسة اللفظ .. الا نسان يظل دائما في حاجة الي الحنان مهما كبر
تقبل تحياتي

Rana يقول...

أخيرا، بطلت دور الواثق المفكر ودخلت في الضلمة، ألف مبروك :D

ELMOSTAFZ يقول...

مرمر...
لا و حياتك دي أول مرة تجيلي الحالة دي
يسمع منك ربنا...
نورتيني يا مرمررررررررر...

ELMOSTAFZ يقول...

الحب الحميل...
واضح ان كلنا نريد ، بس أنا جت عندي متأخر شوية :)
نورتيني يا حب و ربنا ينولك اللي ف بالك...

ELMOSTAFZ يقول...

مدام مني...
فعلا حتي داخل اقسي الناس قلبا في طفل صغير...
المشكلة مش خجل أد ما هي مشكلة تعود ، زي ما تقولي كده المعاملة بيني و بين والدتي رسمية لدرجة صعب معاها أطلب طلب زي ده ، خصوصا انها مربياني تربية أقرب لتربية العساكر ف الجيش ، فمش معقول بعد العمر ده كله اطلب منها طلب زي ده وانا اللي عمري ما بينت ضعفي قصادها...
و علي كل حال أهي كانت حالة مؤقتة و انتهت الحمد لله...
أنا سعيد جدا انها عجبت حضرتك ، و يارب دايما كل اللي اكتبه يعجب حضرتك...
نورتيني جدا...

ELMOSTAFZ يقول...

آنسة بسمة...
بالعكس تصرفات زي دي جديرة بأنثي أكتر ما تكون جديرة برجل ، ناهينا عن إني بعتبر البكاء تصرف أنثوي جدا و أغلب العواطف مرتبطة بالأنثي...
مش خايف ولا مكسوف ، انا بس مش متعود ، اللي بياخد علي أسلوب حياة و طريقة تعامل صعب يغيرها ، صعب جدا...
نورتيني جدا آنسة بسمة...

ELMOSTAFZ يقول...

داندورما...
في ناس سعادتها ف الوحدة اكتر
و محدش بيتمني انه يرجع طفل غير اللي طفولته كانت سعيدة...
إنما في ناس بتدرك متأخر انها معاشتش طفولتها او متصفتش بالطفولة ف صغرها...
أنا مستعجلتوش انا بقول واقع هايحصل إما عاجلا أو آجلا ، و هاستعجله علي إيه يا حسرة من قلة ذنوبي أوي يعني :)
نورتيني يا داندورما...

ELMOSTAFZ يقول...

رامي...
ماهو لازم حد فينا يفضل بعقله عشان نوازن بعضنا و منغرقش احنا الاتنين :) :)
طبعا انا اتكلمت ف الموضوع ده معاك امبارح فبلاش نصدع بعض بيه تاني :) :)
أنا النافورة اللي قدام تمثال نهضة مصر كل اما اعدي قدامها احس اني عايز اقف تحتها ، بس بهدومي طبعا :) :)
بس محتاج شوية شجاعة عشان اقلع الجذمة و اقف تحتها ، هايجرا ايه يعني ؟
نورتني يا باشا...

ELMOSTAFZ يقول...

آنسة رضوي...
عليكي نووووووووووور ، هيا حاجة غير معتادة
و هاتفرق ايه لو اتجننا ما الدنيا كلها خلاص اتجننت ، أنا ف رأيي ان الواقع الحالي هو هلاوس المرضي زمان...
محدش كان يتوقع الحال يوصل بينا للدرجة دي...
للأسف ولا أنا جيالي الجرأة ، برغم اني معنديش حاجة اخسرها ولا حاجة باقي عليها بس ناقصاني الجرأة عشان اعمل حاجة من دول قبل ما اموت...
نورتيني جدا...

غير معرف يقول...

داندورما
واضح من ردك على تعليقى انك لسه فى المود الوحش ده....
ممكن اعرف بس انت ليه شايف السعاده فى الوحده؟؟؟انا اكتر حاجه بتقتلنى انى اكون وحيده...الوحده بتخليك تفكر فى الحاجات اللى تضايقك وتخليك تاخد قرارات ممكن تندم عليها بعد كده...
وبعدين احلى حاجه هى الطفوله بحلوها ومرها
محدش بيحكم عليك لما تكون طفل...مهما عملت اسمك طفل...لكن لما تكبر بتبقى خطواتك محسوبه عليك
واحيانا نفسك محسوب عليك..
صدقنى محدش مرتااح وكل واحد عنده اللى بيخليه يكتئب
بس دايما الواحد بيخلى امله فى ربنا
سيبها لربك وهو كريم قادر يفك همك
سورى بارغى كتيير
تحياتى

اقصوصه يقول...

رمضان كريم

داليـ ـ ـ ـ ـ ـ ــــا يقول...

هى فى حاجات ينفع تعملها وحاجات استحاله
ليه بقه
هكلم عن المستحيل الاول انك لما تحس بالحر تروح تنزل تحت النافوره اللى بتقول عليها لان الناس طبعا انتا عارف هتعمل ايه هتلاقى الميدان كله واقف بيتفرج عليك
انا زيك بقه فى حتة حضن أمى انا كمان بتحرج اوى
ممكن بقه تعيط وتصرخ اقلك ازاى انا عشان محدش يحس بيا مره وكنت عايزه اعيط بصوت عالى واصرخ طلعت فوق السطوح وبليل وعشت بقه

بس طلعت واد سحس بصحيح
بنت الجيران
اللى مشت من سنتين

أأأأأأه منك ياسحس

داليـ ـ ـ ـ ـ ـ ــــا يقول...

مش فاهمين ايه يابنى
واحنا ليه هنطلع حجج
انا شفت ردك عليا
انا فعلا دخلت على السريع لاقيت عندى اسم مدونه يضحك قلت ادخل اشوف لاقيتها مدونتك
وانا كان ورايا اشغال منزليه احنا فى رمضان يامان
انما عييييييييييييب
انا لو قرئت الموضوع ومش فهمته هقلك
وعملت كده قبل كده عندك
قلتلك انى مش فاهمه وروح شوف التعليقات

ELMOSTAFZ يقول...

آنسة رنا...
الله يبارك فيكي :)
انتي فرحانة فيا ولا ايه :) :) طب لما مكانش عاجبك ما كنتي تقوليلي وانا كنت اعملك بوستات علي مزاجك :) :) :)
بجد نورتيني يا آنسة رنا غايبة بقالك مدة عننا...
كل سنة و انتي بألف خير...

ELMOSTAFZ يقول...

داندورما...
صوابعك مش زي بعضها ، و مش كل الناس تنطبق عليهم قوانين المنطق ، في ناس ربنا خلقهم كده و لا سبيل لتغييرهم ، وانا حاولت كتير أكون اجتماعي و النتيجة اني حسيت بزحمة في كل شئ و فوضي في اسلوب حياتي و أفكاري معدتش عارف انظمها و استخلص منها اللي عاوزه ، أصبحت مرتبط بعلاقات و مواعيد و مشاعر ناس و مسؤلية مكنتش عامل حسابها ، ولو بخالف ده كله بظهر في صورة الندل اللي مالوش عزيز ولا غالي ، شئ صعب تغييره يعني...
مشكلتي اني حتي لو كان ليا ذكريات طفولة فهي انمحت تماما و عشان كده بستغرب من الناس اللي بتكون فاكرة ملامح أيام طفولتها ، أنا أبعد حاجة فاكرها هيا خمسة ابتدائي ، من بعدها دقني طولت و أصبحت بلا ذكريات...
و نعم بالله ، أنا بخير و الحمد لله مفيش أي حاجة ، و اهي فترة حزن و راحت لحالها ، و أهو بوست انكتب و بكره يتنسي...
متشكر جدا لتعليقك داندورما و لاهتمامك...
نورتيني أوي...

ELMOSTAFZ يقول...

أقصوصة...
الله أكرم ، عاش من شافك...
نورتيني...

ELMOSTAFZ يقول...

آنسة داليا...
مانا هستحما بهدومي ، الجنان ليه حدود بردوا :) :)
الراجل ماشي ميعيطش انما معرفش انتي مأزمة نفسك ليه و كإنها حاجة غلط ، بيتهيألي انك لما تعيطي بتثبتي وجودك كأنثي :) :)
أنا كنت بهزر و الله انا عارف طبعا ان الكلام مفهوم بس محتاج الواحد يفوق و يركزله و مش الكل فاضيلي :)
نورتيني جدا يا آنسة داليا...

داليـ ـ ـ ـ ـ ـ ــــا يقول...

مانا عارفه انك هتستحما بهدومك
بس بردوا هتلاقى الكل واقف يتفرج
وكون انى اعيط ودموعى اثبات انى انثى اه بتحصل كتير لانى سريعة الدموع
انما انا بقول عايزه اصرخ واعيط بصوت عالى مش دموع تنزل من عينى فلازم تكون فى مكان محدش يقلى مالك ولا ينهار عشانى
فكان لازم اطلع فوق السطوح

وانا عارفه انك بتهزر
بس قلى انتا قابلت رامى
دى خياااااااااااااانه كان لازم رامى يستأذن منى
عشان كنت اتفق معاه يصورك واشوف الصوره واحكم اذا كان شكلك فى الصوره مستفز ولا

ELMOSTAFZ يقول...

آنسة داليا...
فهمت قصدك ،بس الجيران ذنبهم ايه :) :)
مانتي كنتي غايبة عن التدوين وقتها يستأذن مين بقا :) متقلقيش اسأليه و هوا هايوصفلك مناخيري التاسعة و دراعي السابع :) :)
نورتيني يا آنسة داليا...

حنيــــــن يقول...

هههههههههه يا الله اول شيء انا ضحكت لانساالكومنت مش بفلوس وقررت اكتب كومنت علشان ما فش حاجة الا بقلوس هههه غير الكلام والانسان بهالحياة

صراحة بوست عجبني ورائع فيه اشيااااء جنونية وبصراحة انا احب هالاشيااااء الغير تقليدية اموت فيها ولو ااي شيء يخطر على بالك اعمله ما يهمك كسر الدنيا بيلي فيها كلنا رايحين من هالدنيا والناس بتتكلم سنة وبتسكت وبعدين بجد اعمل كل يلي قلت عليه حتى امك ااعمله احضنها بلحضة واكيد هي رح تحس بالضعف مش انت يا مان صدقني وغير كدا تمااااام وعن النافورة لو مني ومنك اعملها وصحيح يعني يلي يبكي يكون مو رجال ليه بعدكم على هالتفكير يا عالم يعني البكاء ضعف دا هو القوة بحالها وبعدين انا يا ما شايفة رجال بيبكوا يعني ايه هيصير ايه ما هو انسان له مشااااعر اسمع مني وحقق كل يلي عايزة ما دامك بصحة سالمة ... تعال لهنا مسمي مدونتك من مذكرات مريض نفسي انت غريب اوي يا حسين نصيحتي لك تغير الاسم انا عارفة انه عاجبك وانت مقتنع في بس يا حسين انا قلت مجرد رأيي عارفة حتقول رأيك ما يهمنيش اقلك لا يهمك ولازم يهمك لانـه بجد بجد مدونتك حلوة لا روعة بس انا اعتراضي على الاسم ... بعدين لو على النفس هههه اقصد علم النفس يا ريت لو توضح لي عنه لاني حابه ادرسه ^^ بس اهلي رافضين
>< شكلك بتدرسه بس عايزة تفهمني ليه من مذكرات مريض نفسي لو على كدا ههههه انا حسمي مدونتي من مذكرات مجنونة او مريضة نفسي تعيش في بحور الدنيا وتعااستها
:( فكر بكلامي مع اني عارفة انكم انتو بني ادم يلي براسكم تعملوا ___ اعمل كل يلي عااايزه وكسر كل الدنيا يا حسين ما يهمكيش الا معصية الله
وفي الختام السلام وسامحني على الاطالة

حنيــــــن يقول...

:( كتبت كومنت طويل بس اتمسح ههههه لاني تمساحة بس انا ما بحسش باهانة النت ولا باهانة حد هعلق تاني يعني ايه ههههههه

حنيــــــن يقول...

طيب مادام الكومنت مش بفلوس هاعلق وامري لله للمرة الثالثة ^^ برأيي يا حسين فكها واعمل يلي عاااااااايزه كسر الدنيا ما تهتمش الا بس للمعصية ربك اعمل كل حاجة عايزها كسر الدنيا خلي عندك طموح احلام تطير للسمااااء طيرها انتي باحساسك
وبعدين تعال هنا هههههه لا بجد انتي مسمي مدونتك من مذكرات مريض نفسي ليه سميها خواطر شاااب لديه طموح بس بما انك تدرس نفسك فانا متأكده انه مأثر عليك يا ريت لو تنزل بوست تكلمنا فيه عن علم النفس لاني حابه ادرسه بس اهلي ^^ رافضين الله المستعان
وفي النهااااااية كووووون قوووي وحقق يلي عاااااايزه كسر الدنيا ياحسين

ELMOSTAFZ يقول...

حنين...
ادينا بنحاول نحارب الغلاء فقولنا نخلي التعليقات ببلاش :)
انا اسمي حسني يا حنين مش حسيييييييييين جبتي حسين دي منين :) :)
أنا أملي ف ربنا كبير احقق ولو امنية من دول قبل ما اخد شلوط م الدنيا...
يا ستي محدش قال ان الرجالة مش بيبكوا بس هيا طباع ، وانا طبعي بكره اني ابين ضعفي أو ابكي قدام حد أو اشوف راجل بيبكي ، و مش هبالغ لو قلت بخاف اضعف قدام نفسي...
اديني يا ستي غيرت اسمها مؤقتا عشان خاطرك منعا للملل بس انما اسم المدونة ده روحها و مينفعش اسحب روح المدونة منها...
رافضين ليه بس ده علم النفس من ارقي العلوم و دراسته ممتعة جدا...
ولا يهمك حنين طولي براحتك ع الآآآآآخر...
بس التعليق الطويل متمسحش ولا حاجة مانا شايفه بعنيا اهو انتي كنتي بتحلمي ولا المدونة اثرت عليكي :) :)
نورتيني حنين...

آخر أيام الخريف يقول...

حلو البوست ده ..مناسب قوى لحالتى النفسية و المزاجية

ELMOSTAFZ يقول...

آخر أيام الخريف...
ربنا يحوش عنك و عننا جميعا ، دانا نفسي انسي وقت ما كتبت البوست ده...
نورتيني...

Share |