اختفت عائلتي...
و اختفي كل شئ...
اختفت ذكرياتي...
و نوافذ البيت...
اختفت طموحاتي...
و البوابة الحديدية...
و المصابيح تعمل...
لسوف تحترق يوما...
و صوت ذو صدي...
يملأ الأركان...
يقول تعليمات...
قد فات أوانها...
حينها أنزوي...
في ركن من الأركان...
أبكي بحرقة و ندم...
ولا أعرف علام أندم...
أري أناسا ماتوا من سنين...
أستجدي عطفهم...
فلتأخذوني معكم...
إلي الجنة أو جهنم...
و حين يأتي الموت...
أنتحب هلعا...
و أقول اذهب...
المصابيح تعمل...
لم يأت وقتك...
فيقول ستنطفئ...
صدقا ستنطفئ...
و حينها ستتمني...
لو قبضت روحك من دهور...
أنتحب هلعا...
أنتحب هلعا...
و أقول أين الجميع...
فيرد صوت من بعيد...
هيهات هيهات...
إنقضي الدهر و أنت غارق في الملذات...
حينها كان الظلام السرمدي أحب أمنياتي...
وددت لو تنطفئ المصابيح و يهدأ كل شئ...
و أتلاشي من الوجود و أصبح لا شئ...
قمت من مرقدي...
و دست بقدمي علي العظام...
و علمت أنني الأخير...
و أن هذا هو الفجر الأخير...
فلقد سمعت صفحاتي تطوي...
و معها السموات و الآرض...
و حينها ظهرت البوابة و النوافذ...
و قال الصوت فلتخرج...
لتلقي مصيرك...
و في لحظاتي الأخيرة لم يتركني...
و خرج من حمام بيتي قائلا في زهو...
أنا مارج من نار...
أنت صلصال كالفخار...
24 التعليقات:
بعد السلام والتحية
ربنا يكفينا شر النار
شر الخباث
الكلمات مؤلمة
ولكن أن يتمني أحدهم الموت
ثم يهلع عند تنفيذ طلبه
هو دا شعر منثور
بالتوفيق
وعبال الجنة يا مولانا وأما النار فربنا يجلها برداً وسلاماً علينا أو هكذا فهمت من الكلمات سلمت الأنامل اللي جعلتنا نفتكر حاجة بننساها .
اية يا ابنى دة
جامدة جدا
دى أكثر من رائعة بالرغم من حزنها
بس يا ترى انت بتكلم عن الموت بس
و لا يوم القيامة كمان انا فهمت كدة انت عارف فهمى على قدى (:
ربنا يحفظك
الجنة ان شاء الله
تسلم ايد يا حسنى صدقنى
وليه الرعب ده وأعوذ بالله من النار وشر النار والمارد
شوية تفاؤل بقى كده بلاش القتامة ديه
تحياتى
ربنا يحرم اجسدنا جميعا عن النار
الموت جاى لا محاله بس يارب يجينا على حسن خاتمه تعبيرات رائعه
بس حزينه اوى
دومت بخير
يااااااااااااااه
كئيبه بس حلوه
هو صحيح مارج منار
بس انطرد من الجنه بسبب الصلصال الفخار
هههههههههه
يبقى الزهو لمين
ربنا يكفينا شر النار وشياطين النار
جميله يا مستا
كلام جامد ورائع بجد
احيك علية
ربنا يوفقك ويكرمك
مع خالص تحياتى
ايه ياعم النكد ده...شكلك حد تعرفه توفي اثر فيك كدة...؟ اللي يخاف م العفريت يطلعله
ده الموت
يوم القيامه
ولا انا توهت
متقساش على نفسك كده ياحسنى
تفائل تفائل
التفاؤل حلو
لك تحياتى وخلافه
كلالالالالالالالالام جميييييييييل
وكلالالالالالالالالالالام معقووووووووووول
مقدرررررررررش اقوووووووووول حاجه
عنه
سيادة الريس...
اصل عارف انا بيغيظني ف ناس انهم ساعات كتير الاقيهم بيتمنوا الموت لما يكونوا ف مشكلة علي اساس ان فيه راحتهم ، و كأنهم خلاص واثقين انهم ادوا اللي عليهم ف الدنيا و اتأكدوا من رضا ربنا التام عنهم ، ساعتها بتمني اشوف وشهم لما يجي ملك الموت قدامهم...
الكلمات مش محتاجة طبعا واضحة بس انتا عارف انا بكره الوزن عشان بيقيدني...
نورتني يا سيادة الريس...
رامي...
بحاول اتصور يوم القيامة وقت انشقاق القبور و فتحها ، ماهو القبر زي بيتنا بعد الموت...
مين فهمي ده :)
متشكر علي كلامك الحلو بس يارب تكون كويسة من غير وزن انا بكره الأوزان عشان بتقيد تفكيري...
نورتني يا رااااااااااامي...
مدام مني...
ولا قتامة ولا حاجة كلنا هانعيش القتامة دي و هانترعب اكتر من كده ، بس ولا يهمك ليكي عليا البوست الجاي اخليه كله فرح و حب...
نورتيني جددددددددددددا يا مدام مني...
الشوكة الناعمة...
ربنا يرزقنا جميعا بحسن الخاتمة ، التعبيرات حزينة شئ مطلوب ف بوست زي ده...
نورتيني يا شوكتنا...
ريتشارد...
اه و الله عندك حق ، بس ما أدم انطرد بسببه بردوا يعني محدش يعاير التاني لإن احنا الاتنين ف الهوا سوا :)
منورة يا ريتشاررررررررد و يارب تكون هديتي عجبتك...
تامر نبيل...
ألف شكر علي كلامك الجميل...
ربنا يوفقنا جميعا ، لك مني أجمل تحية...
تركيب باشا...
ابدا و الله محدش اتوفي ولا حاجة بس جالي كابوس من كام شهر شوفت فيه الصورة الرمزية لملك الموت (ابو عباية سودة و منجل) واقف علي باب اوضتي و لما صحيت كان نفس المشهد بس مكانش في حد...
حاولت اصوره بالكلام بس معرفتش رحت كتبت الكلام ده...
عندك حق ، بس انا مبخافش م العفريت الا اما اشوفه قدامي ، غير كده هفرد نفسي و اقول مبخافش...
نورتني يا تركيب...
آنسة داليا...
لا التفاؤل و لا التشاؤم عناصر فعالة ، لو عايزة تغيري حاجة ف حياتك يبقا بتفكيرك و تنفيذك للتفكير ده ، و ولو هاتعتمدي علي التفاؤل و التشاؤم تجاه مواضيع معينة أنصحك تتوقعي أسوأ النتائج عشان تهون الصدمة عليكي ، في ذات الوقت لو كانت النتائج جيدة فرحتك هاتكون اكبر من المتوقع ، يعني كسبانة في الحالتين مش كده ؟
أنا مش بقسا علي نفسي انا بفكر بواقعية زايدة بس الأيام دي ، قريب هحاول اتخلص منها بس ادعيلي...
لكي تحياتي و ما يلزززززززم...
مرمررررررر...
ايه الصوت ده كروان يا ناس :)
انا بتكلم عن يوم القيامة مش بقول يلا نروح كوكي بارك :) :) :)
ضحكتيني وانا ماليش نفس اضحك ، يسلملي صوتك و كلامك...
نورتيني مرمرررررر...
المهم منين انطرد الاول
التانى انطرد نتيجه مكيده
انا الاول انتطرد نتيجه قدر علشان يعمر الارض
ساعات بقول عنده حق انا لو مكانه كنت عملت اكتر من كده فى البشر
بس بردو يعتبر واحد واحد اى تعادل
هديه هديه ايه
انا شوفت منك حاجه
لالالالالالالالالالالالالالالالالالالا
انا عايزه هديتى دلوقتى ماليش دعوه
اااااااااااااااااااااااع
ههههههههههههههههههههه
كله منك حلو والله يا مستا
يارب ديما من احسن لاحسن
صدقنى انا فهمه كلامك
بس حبيت اكسر القاعده
كله جد فى جد
قولت اغير
خليها ضحك ولعب جد وحب
صديقى ربنا يكفينا شر تمنى الموت لاْنه بمعنى الاْنتحار وندعوا الله اْن يقينا شر النار كلامك جميل هوصحيح حزين اْنما موْثر وبيعرف الناس اْن يوم القيامه قريب واْن الدنيا مجرد ممر للاْخره وربنا يرحمنا
اْرجوا نكون اْصدقاء وتيجى تزورنى ومتنساش التعليق لاْن راْيك يهمنى
اْخوك
محمود المصرى
ريتشارد...
يعجبني فيكي اخدك للأمور ببساطة ، بس ازاي جربتي تحطي نفسك محل الشيطان أول مرة اشوف حد فكر فيها دي...
هدية ايه ؟ هتلاقيها ف اميلك ، دانا باعتها من تلت ايام ، دانا اوديكوا ف داهية :)
نورتيني ياريتشارررررررد و كل سنة و انتي طيبة...
مرمر...
ماشي كلامك ، بيقولوا عليا نكدي فعلا ادعيلي اتخلص م الأوبشن ده...
نورتيني...
محمود المصري...
من وقت للتاني الواحد بيتخيل مدي الرعب و الفزع اللي هايكون عليه يوم القيامة ، احنا اصدقاء من لحظة دخولك بإذن الله هزورك عن قريب...
نورتني يا محمود...
إرسال تعليق