الاثنين، 21 يونيو، 2010

...كما تدين تدان

ربما لم أكن صريحا كفاية معكم...
أو ربما لم أرد تشويه صورتي بشكل ما ، و ربما لم يتاح لي ذكر ذلك في سياق الأحداث...
و علي كل حال ، تعددت الأسباب و الحكمة واحدة ، فإن المواجهة المباشرة تزودنا بخبرة تنقش نقشا علي الأنفس و تترك أثرا واضحا...
ربما تذكرون الموقف الأسود الذي حدث لي في مكتبة مبارك ، و الذي هو - للأسف - حدث فعليا لي ، فإن ماحدث بعد صعودي كان كالعادة محاولتي الفاشلة في إستخدام أجهزة قاعدة بيانات المكتبة بدلا من البحث عن الكتب يدويا في الأرفف...
وقفت بجانبي فتاتان يستأذناني في شئ ما فقلت لهما (لحظة واحدة) دون أنظر لهما حتي إعتقادا مني بأنهما تريدان استخدام الجهاز...
لكنهما رحلتا دون كلمة زيادة و كانهما نفرتا من طريقتي ف الكلام ، ادركت حينها قلة ذوقي و انهما كانتا تريدان شيئا آخر...
و مازاد الأمر سؤا هو جلوسي علي مقعد قريب منهما دون أن ألحظ ذلك ، هكذا صارت فكرة التركيز في القراءة ضربا من الخيال...
إن شلوطا مثل الذي اخذته عند مغادرتي المكتبة بعد فشلي في تجديد الإشتراك ليؤكد بداخلي أنه بلا شك...
كما تدين تدان...

22 التعليقات:

Tarkieb يقول...

عادي يا سيدي....انا كنت زييك كدة سرحان في مشكلة ولاقيت واحدة ست جاية بتقول انت معندكش قلب شايف النونو ابني الانن اتقلبت بيه العربية وبيعيط ومش بتساعده...وطبعا لم تصدق اني فعلا ما اخدتش بالي مع انه كان جنبي ....المهم كل واحد كان يخش يسمعني كلمتيين وفاكر ان هي دي الشهامة.....وقلت كبر دماغك كل واحد وضميره......

الشـوكة الــنـاعـمـة يقول...

معلش جل من لا يسهو بتحصل كتير
احنا عندنا فى البيت انا وخارجه بيقولوا لى امشى ع الرصيف وملكيش دعوه بااى حد
اوعى تردى على حد ولا تخدى حاجه من حد
ههههههههه
بس هيهات انا مش برد مش عشان نصايح البيت انا مش برد عشان ببقى سرحانه ومش حاسه بنفسى
فا عادى بتحصل ماتضايقش نفسك
تحياتى

Ramy يقول...

(:(:(:

معلش لازم أبتسم

هو فى موقف ارخم من ان تكلم حد وهو يتجهلك وتبتدى تكلمه بعصبية

و بعدين تكتشف انه ضعيف السمع و مركب جهاز

حد يضربنى بحاجة يا جماعة

قعدت يومين اللوم بيقطعنى

أصلى انا من النوع اللى بيحاكم نفسه جدا

عبيط بقى

و بعد كده عادى يا عم يبقى لازم تقرا
التاج بتاعى اللى فى المدونة

فضيحة

(:(:(:(:

يعنى أنا أجى جرى و أتكعبلت و بعدين يكون البوست صغير (:(:


بهرج اوعى تكون بتضايق من التهريج

يلا سلام

أيميلى لو حابب تضفنى عندك

ممكن بعد ردك علشان مبقاش حاطتك قدام الأمر الواقع (:(:

و لو مش بتحب او تفتكر انى ممكن أزعل مش معنديش دم لكان احتراما ليك صدقنى

سلام بقى دة انا رغاى قوى

MR.PRESIDENT يقول...

بعد السلام والتحية
000000000000000000
اتمني لك صحة ودوام وعافية
000000000000000000
انا مش شايف انك كما تدين تدان زي ما بتقول
كل اللي اقدر اقوله ليك انك ممكن تقول لا بأكثر من طريقة بيتفهم منها كل واحده حاجة رغم انها نفس الكلمة :
1- لأ بسرعة مرة واحدة تعيظ الشخص
2- لا انا محتاج الحهاز حاليا براحة وطلب تفيد شدة احتياجك .
....................... الخ
المهم
اتمني لك صحة وعافية وان شاء الله تتقبل عن قريب مرة تانية .. تحياتي

richardCatheart يقول...

هههههههههههههههههههه

على رأى المثل

الدعوه على قد الظلومه

اه كما تدين تدان

بس دا لو غلطان او قاصد

ياسيدى
مش كل موقف هايبقى عقاب على موقف صدر منك

تحياتى يابيل

Haytham Alsayes يقول...

هههههههههههههه

لا جدع هما البنات دي يعني عاوزة ايه مش شايفينك مركز ومظبط نفسك في التدوير والبحث

لا جدع وخليك مستفز بجد

داليـ ـ ـ ـ ـ ـ ــــا يقول...

ههههههههههههه

هو انتا من النوع ده

اكتر حاجه ممكن تحرج بجد ياحسنى عدم اللامبالاه
ان يكون حد بيكلمك وانتا ولا حتى تبص له وترد بالامبالاه

انا لو منهم كنت !!!
ولا بلاش يالا حصل خير

لك تحياتى وخلافه

ELMOSTAFZ يقول...

تركيب باشا...
ماهو كل واحد و ضميره طبعا و ربك بالسر عليم ، بس انا مبحبش أتفهم غلط الا اما اكون عايز اتفهم غلط...
الموقف اللي حصلك صحيح انتا مسكت اعصابك و نفضت ، أنا لو مكانك كان الكلام استفزني خصوصا م اللي بيرموا كلام و هما مالهمش دخل بالموضوع اساسا ، وقتها كان المستفز جوايا سخن و شاف شغله معاهم...
منورني دايما يا تركيب ، و ابقا قولي اسمك ايه...

ELMOSTAFZ يقول...

الشوكة الناعمة...
عارفة ، بدأت أقتنع بضرورة رياضات الدفاع عن النفس للبنات ، خصوصا في الوقت ده ، المشي علي الرصيف في صمت مش حل جذري ، في شباب عايزين السلخ أحياء ، و متستغربيش لو قولتلك ان حتي المنقبات بيتعاكسوا...
كلنا بنسرح واحنا ماشيين وانا كنت فاكر اني الوحيد اللي كده ، بس ابويا كمان لما بقابله في الشارع ولا بياخد باله مني لدرجة اني شكيت انه بيستعر مني أو بيتبرا مني :)
أنا متدايقتش بس حطيت نفسي مكانهم و لقيت انه موقف محرج أوي ليهم فاتحرجت لهم بصراحة و اتحرجت اكتر اروح اعتذرلهم...
ربنا يحفظك يا شوكتنا...
لكي أجمل التحيات...

ELMOSTAFZ يقول...

استاذ رامي...
يانهار ازرق :) :) :)
صحيح ، اللي يشوف بلوة غيره تهون عليه بلوته :)
ده مش عبط ، الموقف نفسه بيفرض علي ضميرك انه يوجعك ، و لو محاكمناش نفسنا في المواقف اللي زي دي يبقا معندناش دم :)
صحيح ممكن منكونش نقصد ، لكن انك تحط نفسك مكان اللي انتا احرجته او أذيته بكلامك ده لوحده احساس و نشاط ضمير ، اصل الضمير ده زي العضلة لو مكانش نشط و صاحي و بتمرنه هايموت زي ما مات عند ناس كتيييير أوي...
بلاش سيرة التاج ده الله يبارلكلك ، كلنا اتفضحنا و الحمد لله ف موضوع التيجان ده :) :) :)
معلش جبتك علي ملا وشك ، بس اصلي قريب استرجعت احداث اليوم و افتكرت اللي حصلي فيه لأن اللي حصلي نساني اللي انا عملته ، بس اما افتكرت عرفت ان كرامتي اللي اتبهدلت من أول اليوم لآخره كانت ذنب البنتين دول...
بص عشان تبقا عارف ، أنا بكره الرسميات جدا جدا ، الحاجة الوحيدة اللي ممكن أرفضها انك تقولي انا عازم نفسي ع الغدا عندك بكرة :)
ده اميلي ع الجي ميل
geo7osny@gmail.com
و ماسنجر الياهو من غير تريقة علي اليوزرنيم أهو :)
super7osny@yahoo.com
و متترددش أبدا أو تفتكر اني ممكن أزعل من أيا كان اللي هاتطلبه مني ف أي وقت...
منورني دايما و ربنا يزود رغيك كمان قادر يا كريم :)

Ramy يقول...

شكرا يا باشا

و لم ولن اتريق عليه ابدا

(:

و لكن هذه مجرد ابتسامه

وبعد كدة انت ابو الرسميات على فكرة

اية استاذ رامى دى يا عم اسمى دكتور رامى (:(:(:

بهرج طبعا

رامى علطول مفيش استاذ

اوك

ELMOSTAFZ يقول...

سيادة الريس...
عندك حق ، طريقة الرد و حتي سرعته و تعبيراتك كلها بتأثر في استجابة الطرف التاني ، لكن هاتلي بقا اللي يفكر في كل الكلام ده وسط الموقف نفسه و يحاول يحسن من اسلوبه ، من يومي بقول عليك ديبلوماسي و بتفهم في الإتصال الإجتماعي...
لكن بردوا مش قادر اشيل من دماغي ان اللي حصلي هوا ذنب البنتين دول ، يعني لو كنت كلفت خاطري و بصيتلهم حتي كان أكرملهم...
يسمع من بوقك ربنا...
أتمني دوام الصحة و العافية و كل الحاجات الكتير دي :)
دمت بكل ود و احترام...

أم الخـلود يقول...

أشكر لك أخي في الله تفهمك للموضوع وغيرتك التي تدل على أن الخير في أمة محمد إلى قيام الساعة وفقك الله وبارك فيك

ولا عجب أن يحدث ما حدث معك .. فللقرائة سحرها الخاص الذي يدندن في الفكر ويجعلها تطرب ولا تلاحظ أي شخص أيا كان

وعسى أن تكرهوا شيئا وهو خير لك

تحياتي لك

mrmr يقول...

صبااااح الانوار
انا مش شايفه ان الامر يستاهل انك تقول كما تدين تدان لان الموقف اى نعم صعب لكن مش للدرجه دى وبعدين انت مشغووول بشئ اكيد هما ح يقدروا مشغوليتك
ده طبيعى يعنى
هو ممكن يكون صعب علشان بنات
والبنات ممكن تتاثر لعدم الاهتمام بيهم

وبعدين كبر الجى وروق الدى
تحياتى

ELMOSTAFZ يقول...

ريتشارد...
انتي بتجيبي الأمثال دي منين انا اول مرة اسمع المثل ده :)
انا مش قاصد بس ده ميمنعش اني غلطان عشان مبصيتش ناحيتهم مع ان كان في امكاني كده ، حركة بسيطة زي دي كانت هاتنقذ الموقف ، أنا اتحرجتلهم أوي ده كل مافي الموضوع ، لإني دايما بحط نفسي مكان اللي قدامي عشان اشوفه شايفني ازاي ، و المرة دي لما حطيت نفسي مكانهم لقيتهم شايفني واحد تنك و واطي...
منوراني يا ريتشارد...

ELMOSTAFZ يقول...

هيثم السايس...
قولهم يا عم :)
يعني لما واحد امبورتانت زيي يبقا واقف مشغول و يجولوه عشان يمضيلهم ع الأوتوجرافات يبقا ذنب مين فينا :) :)
مستفز ليه شروط يا هيثم ، ده غير انه مش قليل الذوق ، ده ميكانزم دفاعي جوايا عشان لما ضغطي يعلا من حد مستفز-غالبا موظفين الحكومة الباردين-أسيبه عليه يتعامل معاه و يعرفه ان الإستفزاز ده احتراف :) ، و بصيغة محترمة طبعا لإن لو الإستفزاز خرج عن حدود الإحترام يبقا ميفرقش عن أي واحد مش مالك أعصابه...
نورتني يا هيثم باشا :)

ELMOSTAFZ يقول...

آنسة داليا...
وانا لو كنت م النوع ده كنت فضلت أولول في البوست ع اللي جرالي :)
انا ساعات بيبقا نفسي امحي ذاكرتي كلها و ابتدي م الأول خالص ، من غير لا ابيض ولا اسود ، طول عمري بحب الفورمات عشان بيخلي الشغل علي مية بيضا...
اهو موقف و عدي ، و بعدين لو مكانهم مكنتيش هتعملي أكتر م اللي عملوه ، لإن ده هو احسن رد علي واحد زيي ، ولو كانوا اتصرفوا تصرف تاني كانوا هايبقوا عملوا عقلهم بعقلي و نزلوا نفسهم لمستوايا ، ياريتهم كانوا عملوا حاجة أقله كنت وضحتلهم و اعتذرت...
لكي تحياتي و ما شابه... :)

ELMOSTAFZ يقول...

رامي علي طول... :) :)
دلوقتي بس اثبتلي انك فعلا بتفكر زيي و بتحاكم نفسك كمان ، و مرآة الذات عندك شغالة الله ينور ، لإنك دايما شاغل بالك اللي قدامك شايفك ازاي و فاهمك ازاي ، حتي الإبتسامة فسرتها لي يا جدع :)
مش رسميات و الله ده بس عشان انا اصغر منك بحداشر سنة ف مستني منك تأشيرة زوال الرسميات عشان بعيد عنك اتكلمت كتير من غير القاب مع شباب اكبر مني بكام سنة و كل واحد فيهم عامله قيمة علي حسابي :) ، انما طبعا مقامك عالي و محفوظ مهما حصل...
منورني يا رامي...

ELMOSTAFZ يقول...

أم الخلود...
و الله كلامك ريحني و أكدلي اني مش ببالغ ، و اللي يضحكك اني في الآخر معرفتش استخدم قاعدة البيانات و بردوا دورت بين الارفف زي بقية مخاليق ربنا :)
منوراني دايما ام الخلود و بارك الله فيكي و في بنات أمة محمد...

ELMOSTAFZ يقول...

مرمر...
صباح الجمال...
كان ممكن ع الأقل حتي أبصلهم ، انما انا كنت قليل الذوق بوضوح خصوصا لما حطيت نفسي مكانهم عرفت اد ايه احرجتهم ، حطي نفسك مكانهم أكيد مكنتيش هاترضيها لنفسك...
وانا طول عمري مكبر و مروق ، بس مواقف زي دي بتبقا عاملة زي سلك كهربا عريان و مسكته ، و الكهربا بتنفضني و تفوقني شوية و كأنها بتقولي فوق مانتاش عايش لوحدك...
منوراني دايما يا مرمررررر...

Mona يقول...

معلش بتحصل فى أحسن العائلات وكمان الحر بيسيح التركيز حبيتين ماتخدش فى بالك
أخبار الامتحانات ايه خلصت ولا لسة؟

ELMOSTAFZ يقول...

مدام مني...
حمدلله ع السلامة ، انا افتكرتك متدايقة منا ولا اكون زعلتك ف حاجة وانا معرفش ، مانا مبقيتش ضامن نفسي خلاص :)
بس كفاية عليا زيارتك ليا هونت عليا اي ذكريات سودة...
الحر خلاص خلاني انتهيت ، خصوصا لما ابص كل يوم ف صفحة الطقس ف جوجل و اقعد اولول م الجحيم اللي بيزيد يوم بعد يوم ، و بقول في الآخر يلا أهو كله بيخلص من ذنوبنا...
انا خلصت من حوالي اسبوع و كان الامتحانات معظمها معقول الحمد لله ، منتحرمش من سؤالك أبدا...
نورتي البلوج و يا رب تفضلي منوراه دايما...

Share |