الثلاثاء، 8 يونيو 2010

باليرينا...

بأنغام راقصة الباليه تدور...
بقدم واحدة و تبدأ في النفور...
من قلب طفل لا يهدأ ولا يثور...
ذو وجه ثلجي و عينان كالنسور...
فيا ليت ورد أو عطر من العطور...
و ياليت شمس أو زوج من الطيور...
و يا ليت شمعة أو قبس من النور...
و لا رسائل ولا رسول...
و من أين للصمت أن يأتي بالحبور...
و من أين يأتي إلا ببرد من فصول...
و أين الأطفال تنقذها من يد...
صارت إلي الأموات أقرب من عصور...
و كيف بالملائكة أن تهبط...
علي فراش طفل أجدر بالقبور...


فلا لون ولا حياة...
ولا الدمع يأتي من ثبات...
و لا دقات قلب أو ساعات ...
ولا الحلم يأتي في سبات...
ولا صراخ ولا ألم...
ولا حبور ولا نغم...
ولا أشعار بالقلم...
و ما الأحبار إلا بالدم...
و ما الأماني إلا من عدم...
ولا خطوات أقدام...
ولا أهات أحزان...


و يوم يسأل الطفل نفسه...
لماذا يضرب الرعد ناووسي...
و لماذا تحجم الكوابيس عن كابوسي...
و لماذا ذعرت الهلاوس من قاموسي...
فسعادة الموت لا تزول...
فلتدفنوا جسدي بالقمر...
ولا تنسوا الراقصة بداخل الناووس...
فإنها تثير شغفي بصدد شئ ما...
و إني لأنتظر أن تزل قدماها و تسقط...
------------------------------
صباح الخير...
من باب الرخامة علي حد(خالف تعرف يعني) و التجربة و النكد في ذات الوقت...
قررت أعمل بوست شفتشي كده علي سبيل التجربة مع وعد بعدم التكرار لإني
جالي صداع بعد كتابته خصوصا إن الوزن و القافية بعافية شوية ، و خلينا
نتفق قبل أي شئ...
محدش يسألني إيه اللي انا كاتبه ده...
أول أمر بالحذف همسح البوست فورا و أنسوا الموضوع ، أول تعليق بالمدح و الكلام الحمصي ده هعمل تصنيف شفتشي جديد و استهبل فيها كل أسبوع من ده...

21 التعليقات:

richardCatheart يقول...

لاء يبقى استهبل
وانزل بواحد كده كل اسبوع

ايه ياعنى ياخى تعبت شويه مانستهلش ولا احنا جمنهور اى كلام وكده كده وخلاص

بص جميله انا عن نفسى عجبتنى اوى والله

ممكن طبعا غيرى ماتعجبهوش عادى
بس انا شوفت فيها معانى ومضمون حلو

ممكن غيرى ماشوفهوش عادى بردو

بس الوزن والقافيه دى مع الوقت تملكها فى ايدك
ياعنى العمليه ممارسه لو انت حاسس بيها مش تمام مع الوقت هاتتظبط وانت نفسك هاتحسها

خد بقى الرد اللى بعده

richardCatheart يقول...

ردى على ردك على ردى فى البوست اللى هناك

ههههههههههههههههههههههه

ياسيدنا عيب تشكرنى على سؤالى عنك والامتحان لان دا ابسط حاجه ممكن اعملها لشخصيه كويسه زيك
انا بحترمه وبقدرها وشيفاك مميز فعلا
ربنا يحميك وينجحك ويفرح الست ام كرستيان بيك يارب

ثانيا كرستيان بيل مين قال انه ماتشهرش لالالا دا هنا بس الناس بتستسهل ثم ان نص الافلام المريكانى مابتنزلش فى مصر
انما هو بره طالع نجمه زى الصاااااااااااروخ وهو الستار القادم
بصراحه هو من الناس اللى بيعمل افلام حلوه وتمثيله ممتاز اوى
بس انا مابحبهوش لاهو ولا براد بيت ولا توم كروز ايون بالرغم انهم فعلا من الناس اللى بتعمل افلام حلوه
بس بتفرج عليهم وانا مستفزه صراحه
القبول من عند ربنا ياخى هاعمل ايه

انا بقولك يابيل دلوقتى لانى هابطل اقول كرستيان لان معناه مسيحى
فاممكن يكون مضايقك ولا حاجه فاقررت اقولك بيل
ولو الاتنين مضيقينك
هاقولك
موستا
مش مستفيز
شوف بقى انت ايه اللى يريحك
وانا هاعمله
ههههههههههههههههه

تحياتى وكمل ممتاز

richardCatheart يقول...

ياخرابى دانا اول تعلقين لللللللللللللللللللولى

ايه الحلاوه دى

وادى التالت

هياه

Tears يقول...

ليه بتقول كده بس ما الشعر بتاعك لطيف و كفاية انه مفهوم مش مليان كلام معقد


ربنا يوفقك فى الامتحانات

MR.PRESIDENT يقول...

احب اهديك اغنية ..
الدنيا خربانة
ياعين خربانة
مع العلم اننا اثناء سماعها في التكاتك كنت اعتقد خرمانة
وهذا اللفظ اشمل وادل
علي العموم
فترات الامتحانات فترات تحذف من الحياة ..
بس الضغوطات اللي الواحد بيركبها لنفسه ..
والاسهال
ومادة اماني الجمل هيا مش عندك
بس كانت عندي
اللهم لا شماته
عموما
شد حيلك
يا معلمي
وكبر
ونفض
وهيس
وهيبر
دي اخر كلمات عرفتها في قاموس الصياعة
0000000000000
بالتوفيق
والنجاح
وكله علي الله
0000000000000

الشـوكة الــنـاعـمـة يقول...

اغيب يومين ارجع اللاقى ده كله
بجدجميله اوى والله
ولذيذه
عاست ايدك

ELMOSTAFZ يقول...

ريتشارد...
جمهور أي كلام ايه بس وانا بكتب لترابيزة المكوة ولا ليكوا :)
مدام قولتي استهبل يبقا نخليها تسع مرات في الأسبوع يلا خلي الفقير ياكل :)
الوزن و القافية من يومي بكرههم عشان بحس أنهم عاملين حصار لمعاني أبلغ كان ممكن تظهر لولا حكم الوزن و البتنجان ، بس في النهاية بيخلوا للقصايد جمال لفظي واضح ، يعني فشلي ف دار علوم كان ليه أسبابه طبعا مجاش بالهبولي كده...
نيجي بقا لردي علي ردك علي ردي علي ردك في البوست ده...
كلامك بيخليني ف حالة إحراج لا إرادية و الله ، بعيد عنك مش متعود ع المعاملة النضيفة دي...
مش نازلك من زور ليه ده الواد شكله ابن ناس ، عموما براد بيت و توم كروز و أي ممثل مشهور بيبقا عنده حالة ثقة ف نفسه بتخليني فعلا أحس بتقل دمه كتير رغم حلاوة أفلامه..جايز كرستيان ده لما يتشهر أكتر أتف عليه...و علي كل حال الممثل المفضل ليا هو صاحب شخصية دكتور هاوس في مسلسل هاوس لإني بعشق المسلسل ده...يليه ف المرتبة بطل فيلم أيرون مان و شارلوك هولمز الجديد...
كرستيان من بيل من تافيدة أهي كلها أسامي مساحيق و منظفات ، خليها بيل أحسن سريعة و مختصرة و بتشيل البقع...
مبروك المركز الأول في التعليقات...كسبتي معانا جنيه خشب :)
منوراني دايما و متحرمش من كومنتاتك اللي بتنسيني هم المذاكرة و الدنيا كلها...

ELMOSTAFZ يقول...

تيرز...
و الله رفعتي منعوياتي بكلامك ، يعني في أمل ؟ :)
من بوقك لباب السماااااا...
دمتي بكل ود و احترام...

داليـ ـ ـ ـ ـ ـ ــــا يقول...

لالالالالالالالالالالالالا
مستحيل معقوله
انا وانتا نتغير فى ايام
انتا تغير اسلوبك وتكتب شعر واوزان
وانا اسيب الحزن واكتب فى الفرح
فى حاجه غلط اكيد فى حاجه غلط

طيب والله والله ياسحس ان الا انتا كاتبه ده جميل جدا جدا

انتا اشعرت يازميل
ههههههههههههههه

استمر فى ده
بس اوعا تسيب الهلاوس لانى ادمنتها

زى ما بتقلى بقه
لك تحياتى وخلافه

ELMOSTAFZ يقول...

سيادة الريس...
خربانة من خرمانة أهي في الآخر تدل علي خراب ، خرمانة أوسع و أشمل و أدل ؟ إنتا أدرا :)
الضغوطات موضوعية و موجودة بسبب الإمتحانات ، أنا عمري ما ركبت نفسي الضغوطات زي ناس كتير بشوفها من هواة الرثاء للنفس و إجترار الأسي و المشاكل و الشكوي...يعني إدراكي للضغوطات واقعي مش مجرد إدراك وهمي و تهويل لحجم المشاكل...
أماني الجمل دي من عيلة الوزير اللي فات ؟ و أي مادتها بالظبط عشان أحمد ربنا أنها مش عندي... :)
نسيت تقولي (و اهرش) بالمرة... :)
لك أجمل تحية...

ELMOSTAFZ يقول...

الشوكة الناعمة...
إنتي اللي بتظهري يوم و تختفي عشرة إنما احنا بنشوف شغلنا بضمير :) :)
و الله طمنتيني بكلامك ، مع إني ماليش ف القصايد بس بحب القصايد السوداوية الكئيبة إلي حد ما...
نورتيني أوووووي و لكي تحياتي...

ELMOSTAFZ يقول...

آنسة داليا...
أنا أصلا بحب الأدب الاسود بس التجريدي التلميحي اللي زي التخريف اللي أنا مخرفه ده...
إنما قصايدك واضحة و صريحة و بتيبين الحقيقة اللي كلنا بنداريها حتي عن نفسنا عشان نعرف نعيش ، و ده اللي بيركبني الهم ساعات لما بفتكر موقف حصلي متفق مع كلماتك...و طبعا ده ميمنعش جمال تصويرك للمواقف السودا في صورة شفرة تخلي أي عقل يسترجع كل ذكرياته المتوافقة مع كلامك..و طبعا ما أكثر الذكريات السوداء...
كمان رغم إني ماليش في الحب و العواطف بس في قصايد كتير بتعجبني جدا زي آول قصيدة لريتشارد و آخر بوست لشيماء قهوة بالفانيليا... ف يعني الموضوع مش تقفيل دماغ ولا تغيير مفاجئ ده تجربة بس ، و شكلي هاكررها بكلامكوا اللي ربنا يستر و ميكونش مجاملة بس...
عشان خاطرك هسمي التصنيف هلاوس لإن المذكرات في حالة راحة من الهلاوس مؤقتا...
منوراني جددددا...و لكي تحياتي و خلافه :)

أم الخـلـود يقول...

صباح الخير يا فرح

تفاؤلوا بالخير تجدوه ..

سلمت الأنامل

ELMOSTAFZ يقول...

أم الخلود...
و الله مشكلتي مع التفاؤل إني مبتفائلش أبدا بل بتوقع أسوأ الإحتمالات لتخفيف صدمتي في حال كانت النتيجة-أيا كانت ماتتعلق به النتيجة-سيئة...مالم تكن أسوأ مما توقعت...
و علي كل حال ربنا ما يجيب تشاؤم و لا نكد...
أسعد الله أيامك...
لكي أطيب تحية...

Tarkieb يقول...

ناووسي؟ الناس دي كلها عارفين ايه ده وانا لا؟ حلوة بجد بس صعبة تتحفظ

ELMOSTAFZ يقول...

تركيب باشا...
ناووس يعني تابوت بعيد عنك و عن الشايفين :)
لو كنت شفت فيلم الموميا المدبلج كنت خدت بالك منها بتتكرر كتير...مانا مش ضليع ف اللغة أوي بردوا دانا وداني بتلقط شوية حاجات كده...أهي محاولة يائسة...
دمت بكل ود و احترام...

طالبة مقهورة يقول...

:)

كله في سبيل الله والوطن..ما تصدع على سبيل التغيير

اصله مش كله هيبقى هلاوس وبس شوية صداع شوية شيزوفرينيا كده يعني


لو مكنتش عندي امتحان عربي بعد بكرة..مكنتش هتكسف اقولك ترجم^_^ بس طبعا انا حافظة اللغويات او المفروض كده فمش هسأل المرة ديه..والمرة الجاية تنزل ترجمة ليا مخصوصة ...(وش بيطلع لسانه عشان الشوربة كانت سخنة)

اما بالنسبة لنقدي

تعرف برغم انها افكارك في أولها ملخبطة..ومش مكتوبة بهدف معين..لأنك مش عارف السبب من كاتبتها

بس فيها جزء من حسني..الجزء الاخير
___________
و يوم يسأل الطفل نفسه...
لماذا يضرب الرعد ناووسي...
و لماذا تحجم الكوابيس عن كابوسي...
و لماذا ذعرت الهلاوس من قاموسي...
فسعادة الموت لا تزول...
فلتدفنوا جسدي بالقمر...
ولا تنسوا الراقصة بداخل الناووس...
فإنها تثير شغفي بصدد شئ ما...
و إني لأنتظر أن تزل قدماها و تسقط...
_____________

عجباني بطريقة ما..وعاوزة اقرا تاني م الحجات ديه..
ولو حاجة معجبتنيش عندنا طماطم كتير ف البيت انا معنديش تفاهم :D

اعتذر عن التهييس..بس مش مركزة بتاتا البتة

غير معرف يقول...

يوووووووووه نسيت..انت عامل قصدي عاكك ايه ف الامتحانات..وهتخلص امتى كده؟؟؟؟؟؟

ELMOSTAFZ يقول...

آنسة رضوي...
انا كتبت اللي علي بالي و خلاص ، صحيح حاولت اعمل وزن و قافية لكن لقيت الموضوع فشل و هايخليني افقد إحساسي بالكلام...جايز عشان كده عجبتك آخر جزئية لإنها لا فيها وزن ولا أي بتنجان...
إذا كنتي انتي مهيسة فانا مهيس اكتر منك من ساعة ما رجعت من امتحان النهاردة ، حتي تحسي اني متنح وانا بكلمك مش مرح...
الحمد لله كل حاجة زي الفل مش ناقص غير اني أغير مكاني من جنب البت الزنانة اللي معايا ف اللجنة ، لإني لا بعرف أغش ولا أغشش حد ولو حاولت بتقفش زي الاهبل...
ربنا يوفقنا كلنا...
بالمناسبة التعليقات في مدونتك بتمتحن هيا كمان ولا إيه ؟؟؟؟
لكي أجمل تحية...

Mona يقول...

غيرت شكل المدونة مش كده؟ أكيد تعبت كتير فى البوست ده بس متميز
عامل ايه فى الامتحانات؟ يارب تكون ماشى كويس وأتمنى لك كل توفيق
تحياتى

ELMOSTAFZ يقول...

مدام مني...
فعلا غيرت شكل المدونة بس سبت الخلفية ثابتة ، مع إني كان عاجبني القالب الأسود بس تباين الألوان وجع عنين ناس كتير ، روحت مخليه أبيض مع اني مش بحبه عشان بحس دايما ان أقل الشوائب بتظهر فيه...
تعبت في البوست عشان أحاول ألاقي كلمات توزن ، إنما لو كنت كتبت اللي ف بالي من غير أوزان كان الموضوع خد عشر دقايق...
الحمد لله الإمتحانات زي الفل عدا امتحان واحد أتوقع أجيب فيه ض و أترفع...
بجد متشكر أوي علي سؤالك خليتوني احس ان في حد بيسأل عني و بيهمه أمري...
لكي أجمل و أطيب تحية...

Share |