السبت، 1 مايو 2010

...الحقيقة المرة


أكره أن أقول هذا...
لكن برغم كل هذا ما زال الواقع مسيطرا ، إن إسماعيل يس مضحك...في أفلامه ، علي الشاشة ، داخل ذلك المربع...
لكننا جميعا ندرك أنه الأن قابع في قبر مظلم كئيب نهابه جميعا و نخشاه...
إن مشاهدة توم و جيري متعة ، لكننا جميعا نعلم ما الذي قد يحدث إذا وقع الفأر في يد القط ذات مرة...

إن المخرج يريد إستمرار السلسلة ، و الواقع الغالب ينهي السلسلة متخيلا نهاية سوداوية للفأر...و للعصفور تويتي...

و للطائر الصحراوي السريع...

و للقط...

بوجه عام...
لو كنت تسعي لحياة واقعية ، لابد أن تنظر للحياة من زاوية مختلفة...

19 التعليقات:

داليــــــــــــــــــا يقول...

ههههههههههههههه

ايه النهايات السودا دى

عمتا بقه احب اقلك انى جربت ابص لحياتى من جميع الزوايا والاتجاهات وبررررررررررردوا منفعش اى حاجه

بس تعرف تشبيهك للاشياء حلو ياحسين

تحيااااااااتى الغاليه

Mona يقول...

فعلا الانسان لازم لا يتنسى الواقع ويتوه فى الخيال بس المزيج من الاثنين مفيد فى أحيان كثيرة
على فكرة أنا ماما وعندى أولاد أكبر منك :)))

ELMOSTAFZ يقول...

آنسة داليا...
بقالك مايقرب من شهر عارفة المدونة و جاية تبتدي الشهر الجديد بحسين ؟ ماشي يا ستي حسين حسين اهي نفس التركيبة D:
اللي أنا اقصده هنا بيتعلق بحاجة قولتها ف بوست سابق ان أغلب الأشياء لو بصينا لجذورها أو أصولها هاتصدمنا...لكننا بنتناساها عشان نعرف نكمل حياتنا من غير عقد...هتلاقي أن الخيال هنا بيلعب دور كبير في انه ينسينا الجذور الصادمة دي و يخفيها خلف حاجز وهمي(كوميدي-سياسي...إلخ)المهم يكون ستار خافي...فكرة معقدة شوية خطرت علي بالي فجأة ، لأني اكتشفت ان محدش يقدر يعيش من غير خيال ولو سطحي...
تحياتي الكبيييييييرة و منورة البلوج دايما...

ELMOSTAFZ يقول...

مدام مني...
كلامك صحيح مية في المية...لازم نوازن بين الخيال و الواقع ، لو الواحد عاش واقعي أوي هايموت من العطش ،.ولو كان خيالي اوي هيموت من الغرق...سبحان الله اللي وزن كل حاجة في الكون حتي طبيعة النفس البشرية...
بجد أنا آسف جدا جدا جدا أنا أصلي متعود علي الصيغة دي...مكانش قصدي و الله أنا اتفزلكت ف الأول و قولت الإبداع ميطلعش من حد متزوج...لكن الشلوط جه جامد المرة دي و في شباب كمان ربنا يخليهم ليكي و يخليكي ليهم و لينا...بكرر إعتذاري 9098083 مرة و منورة البلوج دايما...
تحياتي الكبيييرة فوق اي تصور...

Mona يقول...

ليه الابداع ميطلعش من حد متزوج مش شرط الابداع مالوش سن ولا حالة أجتماعية
أنت عارف ستيفانى ماير الى كاتبة
Twilight/New Moon
ديه متزوجة وحلمت فى يوم حلم عن القصة وقعدت تكتب فيها كم شهر وبعدين بعتتها لدار نشر وشوف بقى هى مشهورة دلوقت أد ايه
وكان عمرها ما كتبت روايات عن مصاصى الدماء قبل كده
رغم أنى مش بحب النوعية ديه من القصص بس الابداع مالوش عمر ولا حالة يعنى علاء الاسوانى كتب وهو كبير
وماشاءالله بهاء طاهر جد ولازال يكتب
هو الاهم أن الشريك لا يكون محبط للابداع :)
أنا مش زعلانة ولا داعى للاعتذار خالص وربنا يخليك أنت كمان

ELMOSTAFZ يقول...

نسيت أضيف غالبا...
أنا لو هاتكلم عن الظروف اللي بتمنع المتزوج من الإبداع مش هايكفيني بوست ، بغض النظر عن الشريك...في ألاف الظروف اللي بتشغل الإنسان و تحوله لألة عمل أو تربية لأطفاله...محدش قال حاجة بس لا يمكن تكون دي فكرة الناس عن الإستقرار ، الأمثلة اللي حضرتك ذكرتيها نوادر ، صحيح أنا مكملتش 19 سنة بس شوفت ارتباطات كتير لناس كان قدامهم فرص تحول هواياتهم لإبداع عظيم فوق ماحد يتصور...لكن مشاغل الحياة الزوجية وحش يلتهم اي فرصة للإبداع...
اللي عايز أوصله ان النسبة الغالبة من المتزوجين في مجتمعنا نسيت يعني إيه إبداع خارج نطاق العمل...
تحياتي...

غروب يقول...

معلش اذا ممكن تخلى الكلام لونه اسود لانى اتعميت

داليــــــــــــــــــا يقول...

من قبل ما اكمل باقى ردك على الكومنت بتاعى وهقلك دى غلطه
حسين وحسنى
يغنى غلطة حررررررروف اروح بقه اكمل باقى القرأه

داليــــــــــــــــــا يقول...

ماااااااااااااشى ردك مقنع
سلام بقه ياحسين
ااقصد ياحسنى
ههههههههههههه

اوعا تكون بتضايق
ياحسنى

ELMOSTAFZ يقول...

غروب...
لما أخلي الكلام اسود و الخلفية كحلي يبقا ناقص احط شريطة سودة علي جنب المدونة و أقول سعيكم مشكور...
علي كل حال عن قريب بإذن الله هحاول أرجع القالب ...الكلاسيكي للمدونة عشان كان خفيف في التحميل أكتر
منور البلوج غروب و أهلا بيك دايما...

ELMOSTAFZ يقول...

آنسة داليا...
عادي إذا كان بشوي اللي ملازمني ف الجامعة ليل نهار بيقولي يا محسن و بعديها له ، أنا بطلت أدقق في الحاجات دي من زمان لان واضح إن الإسم بيفكرهم بحد غلس..
نورتيني جدااا آنسة عاليا...:)

فكرة من الزمن ده يقول...

اولا بما ان صدرك رحب وقلت اسالوا
فاحب اسال انت مستفز من ايه
طيب ما الحياة بامبي وكلنا بنضحك والصورة طالعة حلوة
تاني حاجة حقيقي موش فاهمة انت تقصد ايه
هل تقصد اننا مانتفرجش على الكارتون علشان نعيش حياة واقعية
طيب موش يمكن الزاوية اللي انا باصة منها للحياة هي الواقعية ولو غيرت الزاوية بناء على نصيحة حضرتك الاقيها قمة في الخيال
بجد مافهمتش قصدك عذرا
جميلة مدونتك جدا جوها واسمها ونقط المية اللي مغرقاها
تحياتي

داليــــــــــــــــــا يقول...

لا والله ياحسنى ولا حد غلس ولا حاجه

بس شكلك بتزعل

ELMOSTAFZ يقول...

فكرة...
مستفز مش لقب...ده أسلوب حياة ، ناس كتير حواليا استفزتني من صغري و مازالت بتستفزني...بدءا من أوكرة باب أوضتي البايظة مرورا بموظفين الحكومة المأنتخين وصولا للإطار السياسي و الأخلاقي الحالي للمجتمع ، و نظرا لأني سريع الإحباط قررت أكون شخصية أستخدمها وقت اللزوم مع الناس المستفزة و سميتها المستفز...تمتلك قيم و مبادئ مختلفة و هي تلعب دور ضميري الحي في أحيان كثيرة ، لكن طبعا مقدرش أكون المستفز طول الوقت...
الصور دي من ابتكار طفل أمريكي تقريبا مش فاكر جنسيته بصراحة...بغض النظر عن النظرة السوداوية ليه ، لما فكرت لقيت أن هيا دي النهايات اللي الواقع يقبلها ، كلامي كان موجه للفئة المستغرقة في أحلامها ، لكن لو لاحظتي ف كومنت مدام مني إني متفق معاها علي فكرة الموازنة بين الواقع و الخيال ، الغرق في الأحلام و الخيالات حتما و لابد هايخليكي تتصدمي بالواقع يوما ما ، لذا لو فرضنا انك من الفئة دي..هتحتاجي أكيد تبصي للحياة من زاوية مختلفة...
مبسوط ان الديزاين عجبك بس كده هتخلوني أرجع ف كلامي بعد ما وعدت غروب اني أغيره...شكلي كده هستندل معاه :) :)
نورتي البلوج فكرة و أهلا بيكي في أي وقت...

ELMOSTAFZ يقول...

آنسة داليا...
و ربنا مابزعل مفيش حاجة تزعل...:)

طالبة مقهورة ..درجة أولى يقول...

السلام عليكم

بقالي كتير مجتش شأرت عليك يارب تكون بخير

بجد يومياتك وحشتني وأجلت الزيارة لحد ما افضى عشان اقرا الحلقات اللي فاتت

بس لقيت تغيير وتوبيك مختلف

تعرف..ربنا سبحانه وتعالى خلق لنا الخيال..لما فكرت هوا خلقه ليه؟؟ اتأكدت ان ليه اهمية كبيرة
لو الواقع سيطر علينا لوحده هنتعب والخيال نفس الشيء

أحياناً ..النظرة التعمقية للأشياء والتحليل المنطقي ليها بيدينا عين تانية...عين داخلية بتنور جوانا بتخلينا نشوف الحجات بشكل تاني غير كل الناس

ممكن حاجة يكون الناس شايفينها وحشة بس احنا نشوف منها زاوية تانية تكون حلوة عكس الناس..والعكس صحيح

بس الغريب ان اللي عندهم العين ديه بيتعاملوا كفلاسفة او غريبين الاطوار اللي النا بيحاولوا يتجنبوهم او يقتلوا فيهم النظرة التانية..

انا عن نفسي مقتنعة ان مش كل الامور لازم نتعمق فيها فيه حجات لازم تتاخد بسطحية عشان نحسها احسن وحجات تاني لازم نحللها زي ما انت عملت ف البوست

:)كلامي ملخبط بس ده اللي حسيته

ELMOSTAFZ يقول...

و عليكم السلام و رحمة الله و بركاته...
آنسة مقهورة...
إحساسك في محله تمااااااما...كمان كلامك مش ملخبط إطلاقا بالعكس ده يعتبر تفسير واضح جدا لكل اللي اتقال...يعني اللي مفهمش مني هايفهم منك و زيادة ، يا خسارة مش هعرف ارغي و اتفزلك كالعادة :)
بجد أحييكي علي ذهنك المتفتح و نورتي البلوج من تاني...

عاشق الجنة من الإخوان صلى على النبى يقول...

ربنا يستر
صلي علي النبي

ELMOSTAFZ يقول...

عليه أفضل الصلاة و السلام...
عاشق الجنة...
ايه ياعم مالك بس داحنا بنكلم عن الناس كفئات نفسية...يعني الدنيا مهما شفت فيها هاتفضل بخير طول مافيها عناصر صالحة...

Share |