الأحد، 11 أبريل 2010

...منين أجيب ناس

عشرة ابريل...
عدد الزيارات 0...
جالي إحباط و نفسي اتسدت عن الكتابة...
فين ال 3 زيارات بتوع كل يوم ؟
عملت جروب بإسم المدونة ع الفيس بوك لعل و عسي...
بس مش عارف اضيف اعلانه في المدونة إزاي...
اللي يعرف يحن عليا...
أنا شوفت الصورة دي في مدونة اسمها علي رأي المثل...
عجبتني قولت تشوفوها...
و بس.....

4 التعليقات:

Mona يقول...

عدد الزيارات = 1 الان
لاتقلق المهم تفضل تكتب انت بتكتب لنفسك أولا
أنا قعدت شهور وكان عندى تعليق واحد وزيرو تعليق
وبعدين أصحابك حيبقوا كتير
خالى بالك مش كل واحد برضة عايز يعرف مذكرات مريض نفسى ما أحنا مرضى شخصيا ومش ناقصين :)))
تحياتى وشكرا للزيارة

ELMOSTAFZ يقول...

الإبداع نادرا ما يصدر من متزوج..هعمل فيها حدق و أقول آنسة مني ، أنا سريع الإحباط بأقل المؤثرات..متاخديش بكلامي أنا بفرغ شحنة مش أكتر :)...
أسعدني تعليقك و نورتيني جدا...

داليــــــــــــــــــا يقول...

متشكرين ياعم
يعنى انا منفعش طيب

بص هقلك ياحسنى
لو تلاحظ عندى فى المدونه والله والله انا كنت بكتب لنفسى
وبعدين مره فى مره لاقيت ناس بتقرء ليا وكده

انا عارفه ان الناس لما بتدخل وتسيب تعليق بتحس انهم حاسين بيك وفهمينك وده شويه بيهون

بس اصبر ان الله مع الصابرين امتا
اذا صبروا

ELMOSTAFZ يقول...

و الله يا آنسة داليا أنا مش قصدي حاجة أنا بس بملا فراغ موجود و لما لقيت مفيش زوار خالص حسيت بافتقاد لرقم تلاتة بتاع كل يوم..و كمان خفت أحسن يكون كلامك طلع في محله و الناس بدأت تتلخبط و كرهت الأسلوب المتداخل ده...و أنتي من أوائل الناس اللي زارت المدونة و رأيك كان مقياس عملت بيه و عدلت في الأسلوب و لولا تحذيرك مكنتش حاولت اعمل فلاش باك...عيب يعني دانتي م الناس الغالية أوي عندنا... :)

Share |