الخميس، 5 يناير، 2012

شئ ما...


بدأت أدرك أن حملقة الناس في وجوه بعضهم ليست فضولا زائدا أو وقاحة غير مبررة...

بعضهم مازال يحدق في وجهك باحثا عن شئ ما لا يعلمه ، لكنه مازال مفعماً بالأمل في إيجاده...

و بعضهم صار لا ينظر إلا إلي الخواء ، و هذا في الحقيقة أصابه اليأس من البحث بين الوجوه ، فانسحب باحثا في خواء ذاته أملا في إيجاد ذلك الشئ اللعين...

و نعم ، بعضهم مازال يحدق من باب الوقاحة...

13 التعليقات:

شريف القاضى يقول...

لكن فعلا الاغلب بيبحلق للوقاحة لا أكثر ..

Mona يقول...

انا الحملقة والبحلقة ديه أعتبارها وقاحة بصراحة

أم هريرة.. lolocat يقول...

يعنى لو حد حملقلى هحملق انا كمان له :) ولو حد فات من جنبنا هيحملق لنا هو كمان يبقى كلنا هنحملق لبعض فى النهاية ونبقى شعب محملق

والله اخى الحملقة من غير سبب قلة ادب وانا مش بحب الحملقة ابدا هههههه

شىء مستفز ومرض نفسى الحملقة دى :)

ربنا يعفينا من ها المرض ويحفظنا منه
تحياتى لك

الوغد المستفز يقول...

إيه يا جماعة في إيه امسح البوست طيب ؟ D:
و الله كنت متوقع ردكم بس انا قولت افترض عمق اسبابهم ولو مرة مع اني بيبقا نفسي زيكم اقلع ال ف رجلي و اديهم بيه خصوصا ان انا مقاسي 48 D:
ربنا يكفيكم جميعا شر عيون الناس :)

أم هريرة.. lolocat يقول...

ههههههه لا حقيقى البوست جميل وكلنا بنتعرض للمواقف دى بس انت حركت علينا الاوجاع :)

اوعى تمسح البوست والله جميل :)

;كارولين فاروق يقول...

اتفق معك جدا
كلامك من العمق
يمكن يكون مبررا
بهذا السبب كما ذكرت
وممكن تكون وقاحه كما ذكرت ايضا
احب التحليلات جدا
موضوع جميل احييك عليه

فاتيما يقول...

ازيك يا حسنى
:)

كل سنة وانت طيب يا فتى

تعرف ؟

بمناسبة البوست دا
اختك زمااااااان ف القرون الوسطى كدا
لما كنت ف الجامعة
كنت مولعة بالحولقة ف الوجوه قوى
وكان بيحصلى مشاكل بسبب الحكاية دى
خصوصا مع الأخوة الرجال
اللى كانوا بيفتكروا البصات دى نداء لشىء ما مش لطشيف ...
بس كنت حابة قوى اقرى الوشوش
والعنين تحديدا وتعبيراتها

وبعدين بعد فترة بطلت عشان مضايقش حد
واكتشفت بعدييييييييين
انى استفدت م الحكاية دى
ف قراية انفعلات الناس بسرعة وتوقع التصرفات بناء عليها من بدرى بدرى
لغة الجسد كمان ...بتساعدنى
و ممكن اعرف احيانا من غير أى مقدمات او معلومات ان فلانة دى بتحب الشخص دا مع ان محصلش حاجة ...
بس احساس من وشها او حركة جسمها وهى واقفة جنبه او قصاده ..
انها بتحبه

مش شطارة طبعا
بس نتاج تفرس ف الوشوش والبشر
ف البروفايل بتاعى كتبت اول ما دخلت التدوين وانا بعرفنى واقول بحب ايه ..
انى بحب الفرجة ع الدنيا والناس
ودى متعة
وفايدة
و مشكلة جامدة


على فكرة بقى
انتا مدونتك دى المفروض انها مذكرات مريض نفسى
بينما انتا بتخلينا احنا اللى نيجى نبعبع هنا ونقول كل حاجة ...
جلسة علاج جماعى يعنى
وببلاش

انا حاسة انك هتطلع ف الآخر
لا مريض نفسى ولا حاجة
وبتعمل عليتا تجاروووب

طب انا موافقة
بس نطلع بحاجة م السبوبة دى
ولا هنبعبع ببلاش ؟!!!

:)

كل سنة وانتا طيب

Saydalanya Mat7oona يقول...

:)

التدوينه دى عظيمـه

الوغد المستفز يقول...

ام هريرة...
ماحنا بنشوف المواجع دي يوميا ف أي وسيلة مواصلات مفروض نكون اكتسبنا مناعة ضدها... D:

الوغد المستفز يقول...

كارولين فاروق...
كل شئ وارد و الله و نظرات الوقاحة بتبان و نظرات العمق بتبان بس احنا اللي بننزعج من نظرات الناس ايا كان نوعها...
نورتيني بجد ^_^

الوغد المستفز يقول...

فاتيما...
بصي في فرق بين الناس اللي بتبحلق أوي و مش بيهمها حتي لو خدت بالي ، و ناس بتشوف نظرة سريعة كده بذكاء بحيث محدش ياخد باله ، مرابقة تعابير وشوش الناس ممكن تعرفك حاجات كتير أوي عنهم من غير ولا كلمة ، و أحيانا عنيهم بتكون كفاية...
عشان تبقي عارفة انا اكتشفت اني افشل واحد يعمل فحوصات و تجارب و مش عارف ف سنة رابعة هروح مستشفي و اتعامل مع مرضي بجد ازاي حاسس اني ممكن اتغابي عليهم D:
المهم انا بجد فرحان بكومنتك ده أوي و الله...

الوغد المستفز يقول...

صيدلانية...
لا لا انا كده بدأت اقلق بقالك بوستين بحالهم بتسيبي كومنتات يا رب يكون خير D:
و الحمد لله ان البوست عجبك يا رب دايما...
نورتيني أوي ^_^

نـــُــونْ . يقول...

ليسَ لكَلماتِي وصفَ جمَال مَا قرأتُ هُنـَا
آكتَفِي ب شُكركْ وَ إنّ وفـّى ذلِكْ .

Share |