السبت، ٢١ مايو ٢٠١١

فتاة فينسيا...


في ليالي البندقية يسهر الرجال يتسامرون...
عن فتاة فينيسيا يتحدثون...
فتاة تأسر القلوب منذ شبابهم...
فتاة ليست بفتاة...
حين تسمع صوت الكمان يتردد أصدائه في المدينة فلتعلم أن هذا وقتها...
ستخرج من مخدعها ذات ليلة و البدر يتوسط السماء...
يخالط صوت حذائها علي أحجار الإسكافي صدي الموسيقي في إيقاع متناغم...
لن تراها أبدا و لكنك ستلمح طرف فستانها الفيروزي عند كل ناصية تمر بها...
ستستنشق عبق عطرها في أجواء البندقية بأسرها...
ستشعر بدفء أنفاسها...
ستسعي ورائها...
ستدور حول نفسك...
ستصبح مسحورا بها...
ببساطة...
ستصبح رجلا آخر مننا...

6 التعليقات:

Ramy يقول...

(:

لالالا دة على الأمتحانات بتتسلطن

يارب طول السنة امتحانات (:

mrmr يقول...

بقه المذاكره والامتحانات عملت فيك كده
يا خراششششششششششششششششششى
ربنا يستر
ويوفقك

فاتيما يقول...

عينى يا عينى
نسيب المذاكرة بقى
ونركبلنا جندول ونديها فسحة ف شوارع فنيسيا ولا كأن ورانا حاجة

ماشة ماشى
هنفوتها النوبة دى
عشان البوست حلو


وكمان عشان انا ليا ف البوست دا تلت حاجات

1- فنيسيا ذات نفسيتها
اللى لو خرجت من مصر ف فسحة
هتمنى اروحها وأقعد فيها شوية
مع اقرب الناس لقلبى ...

2- اللون الفيروزى
لأنه لونى المفضل أصلاً ...

3- اللى كاتب البوست
اخويا وغالى عليا

والرجالة بتوع فينسيا دول تسيبك منهم
دى عالم قاعدة ف الليالى المقمرة تحب وتتدلع عشان موراهمش امتحانات

ويلا شد حيلك
عاوزة اسيحلك ف البلوجر
واقول الناجح يرفع ايده
فترفعها بكل إباء وشمم
ومتسألنيش شمم يعنى إيه وتحرجنى لأنى مش هعرف اشرحها .. انا بقولك اهو

:))))

خلى بالك من نفسك
وربنا يوفقك يا رب

Unknown يقول...

رامي...
أه طبعا أمال انتا فاكر إيه... :))
ده الامتحانات دي أيام الدما ا ا ا ا ا ا غ العالية :D

Unknown يقول...

مرمرررر...
شوفتي الامتحانات بقا بتعمل ايه ، بإذن الله هايجيلي توخولوف عقلي عبال ما اتخرج :)))

Unknown يقول...

فاتيما...
انا بردوا بحب فينيسيا جدا و نفسي اروحها بس نفسي اعرف حاجة ، هيا فينيسيا بقا كلها ريحتها زفارة زي ريحة البحر كده ف المصايف ؟ لو كده مش هروحها انا مبحبش الريحة دي :))
أي الشمم ده صحيح :D

Share |