ستصلك أخبارها يوما ، ستسمع عن عينيها حتما...
للغجرية سحر قاتل ، و لها صوت ساحر...
ستذهب لتراها ، و ستتمني لو قتلك سحرها هذا منذ ميلادك...
الغجرية قاسية ، صعب إرضائها...
قلبها لرجل واحد ، صعب امتلاكها...
ستسبب لك المشاكل ، الكثير منها...
و في كل مرة ستتركك بابتسامة تنسيك حاضرك و ماضيك...
الغجرية أنانية ، تعرف كيف تكون كذلك...
تعيش لنفسها فقط ، هي ليست لأحد...
تترك الجميع ، تتشاجر معهم ، تخمشهم بمخالبها...
و بهذا ستكون أنت سعيدا...
و ستنتظر بشوق شجارها التالي فالتالي فالتالي حتي لا يبقي لها أحد...
ستبكي ، و سترحل بعيدا عن الجميع...
حينها لا تدعها تذهب بعيدا...
لا تدع قلبها وحيدا...
14 التعليقات:
جامدة يا حسنى
أنا أبتديت أشك فيك (:
بقالك كام بوست بتلمس أحاسيس الناس
(:
حلوة المزيكا
وحلوة الصورة
وحلوة طريقة الكتابة
وحلوة جدا هذه الغجرية
وحلوة الحياة اللى عايشاها
وحلوة التحذيرات من طبعها المجنون
وحلوة المعضلة ف القرب منها
وحلوة العذابات ف فراقها
وحلوة النصيحة بتاعتك رغم أى شىء
وحلو تعليق رامى
:)
بس
رامي...
هوا لازم يعني يبقا في حاجة بجد عشان اكتب الكلام ده ، بتخيل يا جدع اي بلاش اتخيل ؟ :)))
بس انتا بتبالغ طبعا انا لا بلمس ولا بنيل لإن التجربة الشخصية هيا اللي تخلي القارئ يحس بصدق العواطف دي ، يعني مش كل من ركب جمل بقا جمال ولا كل من جاب حبة زتون و جبنة بقا بقا ا ا ا ا ا ا ا ل :))
فاتيما...
و حلو كلامك...
و حلو كومنتك بعد غياب... :))
بجد منورة البلوج و فرحت عشان بس شفت اسمك...
http://farm2.static.flickr.com/1148/1433846907_b605124078.jpg
اي القمر ده . تصدقي شلت صورة هاوس من التليفون و خليت دي خلفية بدالها :))
بجد متشكر أوي ع الهدية دي...
عجبتنى اوى الغجريه بتاعتك دى
على فكره بدأت اشك فيك
البوست حلو اوى يا حسنى بجد ...
عجبتنى .. :)
هاتفضل الغجريه معشوقه الرجال
هاتفضل الغجريه رمز لكل امرأه مختلفه مميزه
وهاتفضل انت ليك طعم خاص فى سطورك
جميل يا مستا
لم تصلنى أخبارها بعد.. مستنى أهو
وحشتنى ووحشنى المريض النفسى.. اتمنى اشوفك قريب .. اسلوبك جميل وفيه معانى وتجربة وإحساس وهو دة اللى يخوف.. ربنا يوفقك
اممممممممم
العجريه !!!!!!
ساحره
قاسيه
صعب ارضائها
صعب امتلكها
انانيه
وعنيفه
جميل وصفك يا حسنى
ربى يسعدك ويوفقك
ريتشارد...
الغجرية رمز لكل امرأة ذات كبرياء ، و الغريب ان الكبرياء ده بيسحر قلوب الرجال...
دكتور صبري...
لا متخافش انا معدوم التجارب :)) بس هيا أوقات الامتحانات دي بيحصلي فيها اضطراب عاطفي كده أتوماتيك من غير سبب :))
يا ريت بجد اشوفك انا كمان ف الأجازة بإذن الله...
نورتني بجد...
مرمر...
مبسوط ان الوصف عجبك و مبسوط اكتر بزيارتك ليا...
ربي يسعدك انتي كمان و يوفقك...
إرسال تعليق