الخميس، 24 مارس، 2011

هناك في الأعلي ، شئ عظيم يحدث...


لسنوات كنا نلتقي ليلا...
لسنوات كنا نفترش الأرض و ننظر للسماء...
اختارت هي نجمتي ، و اخترت أنا نجمتها ، و اسميناهم بأسمائنا...
لسنوات عكفنا علي رسم تلك الصفحة السوداء ، و نمحي ، و نرسم ، و نمحي ، و نرسم...
و ذات ليلة شعرت بذلك الشئ يأخذني منها...
هناك في الأعلي ، شئ عظيم يحدث...
شئ أسطوري ، لا يمكنني وصفه مهما وصلت بي بلاغة الأسلوب...
و لكني أشعر به ، و أعلم أنه هناك ، و أنه يحدث في كل وقت و حين...
شئ كلما فكرت به استصغرت أمامه كل شئ...
طموحاتي و أحلامي...
أكبر مشاكلي سوءا...
و أكثر مخاوفي رعبا...
كل شئ بجانبه يصبح تافها لا يستحق مجرد التفكير به...
حتي هي...
صرت لا أفكر فيها ، ولا أشاركها النظر للسماء كما تعودنا...
و لهذا كرهت هي السماء التي أخذتني منها ، و كرهت ذلك الحدث العظيم بالأعلي...
لكنها لم تكرهني...
لكن قراري لم يكن بيدي في جميع الأحوال...
حتي حين هددتني بقتل نفسها ، لم استطع اتخاذ قرار...
لقد أخذني سحر الحدث العظيم ، و انتهي الأمر...

7 التعليقات:

كلمات من نور يقول...

الله الله

يا ترى إيه هو الحدث العظيم اللي أخدك من الحبيبه والناس وووو؟

أتمنى نقرا بوست قريب عنه

فاتيما يقول...

ليه يا حسنى ؟

نفسى حد يجاوبنى ..

ليه الواحد بينشغل عمن
هم ينتظرونه
وارواحهم معلقة بيه
للدرجة التى اذا نظر للسماء
واختفى ..
تختفى الحياة بعده ؟

ليه ؟

لـــولا وزهـــراء يقول...

ايه بقى الحدث ده اللي اخدك منها؟؟؟؟؟؟
وجاوب على سؤال فاتيما

لولا(:

ELMOSTAFZ يقول...

كلمات من نور...
عارفة سؤالك ده بيفكرني بعادل امام لما سألوه ف المسرحية يعني ايه اجتماع علي مستوي القاعدة ، راح معرفش يرد و قالهم انتوا هتودونا ف داهية بقا ولا ايه :))
أهو انا تقريبا ردي هيكون زيه كده ، انا اش عرفني انا ايه الحدث العظيم اللي بيحدث ، و انتوا لازم تعرفوا كل حاجة كده ؟ أمال فين الساسبنس بقا ان كنت هشرح كل حاجة اقولها :))

ELMOSTAFZ يقول...

لولا...
بصي ف ردي علي كلمات من نور و سيبوني ارد علي فاتيما لوحدها عشان هيا شايفة البوست من زاوية أخري هنتناقش فيها سويا :))

ELMOSTAFZ يقول...

فاتيما...
لنتفق علي ان السما هنا بترمز لتطلع الواحد مننا لأهداف و طموحات خاصة بيه ، و أول ما بيحس ان في طريق لتحقيق الطموحات دي ، بتلاقيه فجأة انسحب من كل حاجة ، علاقته بالبشر و انشغاله بمشاكله و كل حاجة ، و نصب تركيزه بالكامل علي كيفية الوصول للشئ ده ، و طبعا في سبيل ده بيخسر حاجات تانية كتير...
أنا كده ، معرفش أركز في أكتر من حاجة واحدة للأسف ، و عشان كده مفيش علاقة اجتماعية أو عاطفية دامت ليا ، حتي مع اخواتي بيحصل الموضوع ده كتير...
و للأسف أنا فعلا دلوقتي عندي هدف محدد نفسي أوصله ، و في المقابل انعزالي زاد حبتين و علاقتي باخواتي مبقتش كويسة أوي بس الحمد لله انهم عارفين ان ليا اسبابي ، عارف ان في طرق تانية أسهل من كده و ياما ناس نصحوني بس هيا كده و مالهاش حل تاني عندي...
نورتيني أوي :)

mrmr يقول...

حقا عندما ننظر الى السماء فنشعر بضئاله الارض وما عليها

لكن ليس معنى ذلك ان ننسى ونبعد عن من هو قريب منا

اتمنى اعرف ما هو هذا الشئ العظيم الذى يحدث ومدى عظمته

Share |