الأحد، 6 مارس، 2011

حقيقة الحياة...



في طفولتك يخبروك أنك مازلت صغيرا علي إدراك الحياة الحقيقية...
في الصبا يخبروك أنك مازلت صغيرا علي إدراك الحياة الحقيقية...
في الشباب يخبروك أنك مازلت صغيرا علي إدراك الحياة الحقيقية...
و في كل مرحلة تشعر بالفعل أنك لم تكن تعرف شيئا عن حقيقة الحياة ، و أن ماكنت تراه في صغرك كان خداع ، و كلما تقدم بك العمر تري العالم في رداء أكثر سوءا من السابق...
بدأت أشعر أن كل مرحلة عشتها هي حقيقة منفصلة عن سابقتها ، و هذا و إن دل فإنما يدل علي أن الأمر يتعلق بي لا بالعالم ، و كل شئ يتعلق بنظرتي نحوه بغض النظر عن الحقيقة الفعلية للأمور...
برغم كل شئ اعتدت أن أكون موضوعيا في نظرتي ، اعتدت ألا أنظر للعالم بناء علي خبرتي السابقة و عقدي النفسية الخاصة ، لأنني إن فعلت ذلك ، سأقول لأبنائي ذات يوم و كلي ثقة في غبائي...
مازلتم صغارا علي إدراك الحياة الحقيقية...

10 التعليقات:

wella يقول...

والله لحد مانموت مش هنبقى فاهمين الحياة

ماهما اعتقدنا ان احنا فاهمنها مش هنفهما


ملحوظة: اول مرة ادخل على مدونتك امابرح عجبتنى بشكلها المفختلف مذكرات مريض نفسى بجد حلوة عجبتنى .

Israa' A. Youssef يقول...

الفكرة إنك هل ماهتحاول تبص للحياه بشكل موضوعي, هلاقي نفسك غصب عنك مش عارف.. :(

شيرين سامي يقول...

عمرنا ما هنعرف حقيقة الحياه لأنها في الحقيقه وهم فالأهم من أن نعرف حقيقتها التي قد تبدو مخيفه أن نستمتع بأوقاتنا فيها مع من نحبهم و بالطريقه التي تجعلها أجمل من الحقيقه:)
تحياتي ليك

خيط الحرير يقول...

بسم الله والصلاة علي رسول الله
هم النم ياروحي ياله جيبالك مم
كل واكبر ياروحي ياله هم النم
مره سألت الأستاذ أرنب أمممم أممم لابس نضاره...نسيت الباقي.

ياليتني ما عرفت معني العمر حين مر وحين كبرت ولا تحملت كل هذه المسؤليه ...
أما عنا ..فلا تخف....
فنحن الشعب المصري يبدوا أن الكل يعتقدنا صغارا سطحيين.. ..ولكن عند الجد رجاله...
تحياتي.

كلمات من نور يقول...

وعلى راي عمك الشاعر أبو العلاء المعري

نعب كلها الحياة فما أعجب إلا من راغب في إزدياد

هي كده دايما وعارف حاجه مهمه؟ ربنا يديني طول العمر واشوفك بتقول إيه لأولادك

mrmr يقول...

فى مثل بيقول
( اللى يعيش يا ما يشوف واللى يمشى يشوف اكثر )

كل يوم بينكشف امامنا حقائق جديده لا نعلم عنها شئ

وادينا بنتعلم وح نتعلم ونموت واحنا لسه بنستكشف

سامحنى لعدم المتابعه

Saydalanya Mat7oona يقول...

لا تحكم على العالم من خلال ما تشعر به لأنك إن فعلت لوجدته تارة ملئ بالحياة....بالاحتمالات التى تنتظر الحدوث...و لوجدته تارة أخرى ملئ بالاحباطات و الغرباء الباردين الذين لا تربطك بهم صلة

حلاوة الحياة فى كل ما فيها من حزن بقا و لا فرح...حتى باحباطاتها اللى تقطم الوسط دى...كل ده بيعمل رحلة لازم نخليهاممتعة لأنها قصيرة لحد مخيف مش شرط نبقا فاهمينها أوى لأن حقيقتها حقيقتها و المغزى الفعلى اللى بنقعد نسأل فيه و ندور لحد ما نتنح ده مش عارفه إلا الله

عارف أحلى حاجة فى الدماغ الشغالة إيه....إنها كل ساعة بحال ...كل ساعة معاك معنى جديد و فكرة جديدة و ساعات مفيش معاك أى حاجة....المسلمات على الرغم من إننا بندور عليها عشان نتشعبط فيها و نرتاح بيها أكتر لحياتنا إلا إننا لو اتحاوطنا بيها كتير هنطق من جنابنا....لازم شوية عدم فهم و شوية فهم....و بعدين فهم نص نص

لكيت كتير أنا....سلامات

;كارولين فاروق يقول...

من الخطأ ان نعامل اولادنا
علي انهم صغار لا يفقهون شئ
ومن الخطأ ايضا نبخل عليهم
بالفهم بحجه انهم صغار
فاحيانا نتعلم منهم
واحيانا نأخذ منهم عبره
وحكمه لانهم جيل مختلف عنا

Noha Saleh يقول...

انا لسة مش فاهمة الحياة
وكلنا مش فاهمين
بس نفسى اجرب لوحدى وافهم من غير ماحد يقولى انتى لسة صغيرة
لكن مستحيل نعرفها على حقيقتها وهنتعب اوى طول مااحنا بنحاول نكتشف الحقيقة دى

Ali Soliman يقول...

مش لاقى كلام اقوله غير ان عندك حق

لما نشوف الدنيا من غير خبرات حياتنا المتراكمه سواد او بعقدنا الى بعتطى لذاتنا صواب فى ارائنا رغم خطائها البحت والناتج عن كسر غضن ما فى افكارنا اكيد هانفهم الحياة .....

Share |