الأحد، 23 يناير، 2011

نظرات ، فقط لا غير...


حين ينشغل الجميع بالرقص ، نظل نحن الاثنان في اماكننا علي المقاعد ، نمارس عادتنا في تبادل النظرات الخاطفة بين الراقصين...
ارتشف ما بكوبي متأملا نظراتها نحوي بينما ترفض هي في تململ كل من يطلب الرقص معها ، كل منا يعلم ما يفكر به الآخر ، نعلم اننا لن نرقص يوما سويا ، نعلم اننا لم نخلق لنكون سويا من الأساس ، لا نريد بعض ، ولا نريد أن نكون لبعض ، ولا نريد أن نريد أن نكون لبعض ، و مهما كان هناك شوق لبعضنا فنحن نستمتع بذلك الشعور الأبدي ، و برغم المسافة بيننا فكل منا يدرك اعمق الأجزاء بداخل الآخر ، ربما أعمق مما قد يعرفه الراقصون سويا عن بعضهم...
بيننا علاقة ، فوق مبدأ الجسد ، و فوق كل مبدأ حب ، علاقة لا نريد تدنيسها بالرقص سويا مهما كانت الدوافع ، و مهما قال الراقصون عنا من أقاويل العشق...
نحن لا نحب بعضنا ، ولا نريد بعضنا ، و لا نطمع إلا في أن تدوم نظراتنا للأبد شاعرين بذلك التميز بين كل الراقصين...

22 التعليقات:

فاتيما يقول...

ايه الجمال دا كله ؟!!

تعرف انه صح

احيانا الإستحالة
تجعل المشاعر أقوى
وأعمق
واندر
واميز عن أى حد عادى
جاتله الفرصة وجرب


زى الأفكار
ما بعضها لو خرج ونطق
يفقد كثير من معانيه
برضو الحب احياناً
قوته وتميزه
يكون فى كدا


حلو البوست قوى
وفكرته احلى

:)

Ramy يقول...

أيه ده

يا عم حسنى ده

من أمتى الرومانسية دى (:

جامدة يا حسنى

(:

fafy يقول...

جميله اوى لكن فعلا مستغربه من امتى الرومانسيه دى بس لو كنت طولت فيها شويه كانت بقت اعمق

Mona يقول...

وده من إيه خير عيان ياترى؟؟؟ قوية ولكنى شخصيا لا أؤمن بتبادل النظرات ولا أظن أن الأستحالة تخلق حالة حب حقيقية

اسيره الاحزان يقول...

امممممممممممم

حلوه اوى الاحاسيس دى بس نادره جدااااااا

صعب تلاقى حد يفهمها ولا يحسها ولا يتعرف يتعامل معاها

الشوكه الناعمه يقول...

لا يجى منك

ELMOSTAFZ يقول...

فاتيما...
فترة التلميح بالحب عموما بتكون أجمل مراحل العلاقة ، و الغريب ان بعد ما العلاقة بتتطور الأمور بتتجه للأسوأ ، عشان كده تصوري للعلاقة مستحيلة التطور حاجة خيالية صحيح بس تناسبني أكتر... :))
نورتيني أوي أوي أوي أوي...

ELMOSTAFZ يقول...

رامي...
أهي محاولة ، بس علي رأي حد أعرفه ، ناقصها العمق كالعادة ، وانا مبعرفش اكتب غير بطريقة سطحية شوية :))
نورتني أوي يا رامي ونفسي اشوفك...

ELMOSTAFZ يقول...

فافي...
كنت عايز أطول فيها بجد بس دي محاولة من ضمن محاولاتي الرومانسية و يستحسن اختصر فيها الكلام ، في كلمات معبرة أكتر من ألف كلمة...
نورتيني أوي...

ELMOSTAFZ يقول...

مدام مني...
لا مش عيان مانتي عارفة بتجيلي حالات كده :)) عملت بنصيحتك و قولت اكتب شوية خارج المذكرات... :)
الاستحالة طبعا لا يمكن تنتهي بحب لإنها مش بتسعي لنفس الهدف اللي بتنتهي له كل علاقة حب سوية ، بس انا مبحبش اكتب عن المشاعر المعتادة ، أنا بحب اعمل اللي انا شايفه يناسبني بغض النظر عن المتفق عليه ، و العلاقة المتجمدة اللي زي دي أكتر حاجة تناسبني...
نورتيني أوي يا مدام مني...

ELMOSTAFZ يقول...

اسيرة الأحزان...
اسم الله عليييييكي ، هوا كده بالظبط ، نادرة أوي و صعب تلاقي حد يقبل علاقة بالشكل ده و يتفهمها ، ده لو مكانش مستحيل...
نورتيني جداااا...

ELMOSTAFZ يقول...

الشوكة الناعمة...
حاجة كده مش أد المقام :))

mrmr يقول...

ازيك يا سحس
سامحنى لانى ليا فتره مش متابعه
وبعدين خد هنا من امتى الرومانسيه الجامده دى
بجد جميله قوى واحساسك بالحب راقى ورقيق وما اجمل نظرات الحب

غير معرف يقول...

"فترة التلميح بالحب عموما بتكون أجمل مراحل العلاقة "
الجملة دي حقيقة قوي
والبوست رائع قوي

wahba nour eldin يقول...

الله عليكى يا حسنى
دا الحب الابدى لو جازت التسمية
حب رااائع مشاعر نراها ولاندرى ما معناها
ذكرتنى بمقولة الدكتور يحيي الرخاوى "ان من الادب تستطيع ان ترى طب نفسى لاتراه فى الكتب العلمية للطب النفسى"
لقد وصفت مشاعر فى منتهى الجمال

آية يقول...

ده رفعت اسماعيل و ماجي :)

خيط الحرير يقول...

بسم الله والصلاة علي رسول الله
أيه البوست ده
رغم قصره إلا أنه عميق بشكل وكل كلمه فيه ينكتبلها ألف سطر وعندي مقوله أخترعتها من يجي عشر سنين تنطبق علي كلماتك القاتله هذه وهي :
" الحب لا يبقي إلا حين يموت"
يعيش الحب بين طرفي ويموت حين اللقاء بغير روابط شرعيه لأن لغزه يفك ومقاليد أموره تصبح بين أطراف الأصابع والكنز حين يفتح يتخطف منه الضوء بعض لمعانه وتتمرس العين علي رؤياه..والصندوق المغلق كم شهي وخواطري عنه فوق الخيال..ولو بداخله صفر من الأشياء..جميلة هي الألغاز
والجواب عنها يوقف خطة بحثك..ولا يحثك علي امتطاء الخيل ركضا لحله فينتهي بك الحال جالسا عارفا لكل الأمور حتي يقتلك الملل بدلا من أن يقتلك البحث عن سر جديدلفكه
وأظن أن ربي حين وضع قيودا علي هذه الأحاسيس كان لأجلنا نحن أولا لا لكبتها أبدا ..علي الأقل سيجدان الأثنان حين اللقاء في يوم النقاء أشياء وألغازا وقصصا وأحلاما لتروي قبل أن تستنفذ قبل أن يتعجلوا
الشيء قبل أوانه حتي لا يعاقبان بحرمانه.
رائعة هي ...وقصرها أعطي خيالي الجموح الي ما بعد الكلمات لأعبر عما فعلته بي هذه الكلمات القصيره..
وجميل أيضا أن يدرك المرء أستحالة أختيار ما لظروف ما(أجتماعيه_طبقيه_شرعيه..ماديه)والأجمل أن يعرف المرء متي يجب أن يتوقف..ويري في قلب قلب الظلام...أشارة STOP .
دمت أخي مبدع.

فتاة من عالم آخر يقول...

طيب وبعدين ؟ هييجى يوم ويبقى لازم الاتنين يرتبطو يا إما يرتبطو ببعض او يرتبطو بغيرهم ساعتها ايه اللى هيحصل لو مش ارتبطو ببعض وارتبطو بغيرهم تبقى خيانة لنفسهم وجبن وخيانة للى ارتبطو بيهم
يمكن البوست فيه رومانسية بس حاساها رومانسية جبانة اوى خايفة تتحول لفعل فتلاقى انها وهم

Marwah Alaa يقول...

عارف، الحب في خيالنا بيبقى أحلى ألف مرة من الحب على أرض الواقع .. لأنه بيبقى نقى وشفاف ورومانسي زي الروايات، بنحب في خيالنا بالطريقة اللى احنا عايزينها، بنتخيل كل الايام حب وسعادة، وبنتخيل الحبيب كامل الأوصاف رومانسي عاشق حد السُكْر .. وتطور الحب ده في الواقع هيهدم كل الاحلام الجميلة دي ويكشف الحقيقة المرة، ان الواقع مش زي الأحلام .. عشان كده الحب عن بُعد ده أروع حب.. رغم زيفه !

Marwah Alaa يقول...
أزال المؤلف هذا التعليق.
غير معرف يقول...

هذا النوع من العلاقات ستبقى جميلة اذا لم تدنس بالزواج

Damascinian Soul يقول...

روايتك باسيكاليا بتجنن و كتاباتك بتجنن
بتمنى نشوف رواية جديدة لحضرتك :)

Share |