الأحد، ٢٥ يوليو ٢٠١٠

...إعادة توجيه

 لنعد قليلا بالذاكرة...
و ليتذكر متابعوا المدونة منذ بدايتها ماذا كانت الفكرة العامة لها...
كان الغرض من سرد هذه المذكرات هو توضيح التناقض الحادث بداخلنا ، نحن لم نخلق أوغادا بالفطرة ، فقط أنا أؤمن بأن الإنسان يكتسب خبرته من البيئة المحيطة ، و هي ليست بالبيئة المثالية...
كذلك أؤمن بأن المجتمع مهما كان مثاليا فقد لا يصل لدرجة الكمال ، فإن هناك فرق ندركه جيدا بين ماهو مفترض فعله و بين ما يمكن فعله...
المشكلة التي مثلتها في صورة مرض نفسي هي مشكلة التناقض ، التناقض بين ما نعلمه لأبنائنا و بين ما نفعله ، بين مانؤمن به - أو نتظاهر بالإيمان به و بين ما نفعله...
هذا يوضح لنا حقيقة هامة و هي إما أننا كسولين للغاية أو أننا معدومي الإرادة ، فإن الأفكار و المعتقدات إنما هي توجيهات نحو أفعال محددة ، و من يجهلها أفضل ألف مرة ممن يتظاهر بإيمانه بها ولا ينفذ حرفا منها...
إن الكارثة هي أننا أصبحنا ألات تقليد ، نفعل ذلك لأن الجميع يفعل ذلك حتي و إن كان خطأ ، و من يخالف ذلك فهو شاذا منبوذا...
تحدث (تارد) منذ سنين مضت عن ظاهرة الإختراع و التقليد ، و كان يؤمن بأن التقليد هو الظاهرة الأكثر حدوثا ، و أن الإختراع نادر الحدوث ، هكذا لم أجد منذ ولدت قوما تنطبق عليهم ظاهرة التقليد مثلنا...
و الآن لنفرض أن أحد هؤلاء الشواذ تجاهل لوم الناس و استهزائهم و ظل متمسكا بمبادئه و معتقادته الأصلية المفترضة ، هل ينتهي الأمر ؟ بالطبع لا ، فإن النفس وحدها تعد عقبة أخطر من المجتمع المحيط ، و عندها يبدأ الصراع الناتج عن الإختلاف بين ذات الفرد و بين المجتمع ، فإن الشعور بالاغتراب من أسوأ ما يكون ، و غالبا ما يخضع المرء في النهاية لقوانين الجماعة ، و يصبح نسخة أخري منهم...
إن الأحداث و إن انحرفت عن الفكرة العامة لغرض قصصي ، إلا أنها ما زالت تحمل و ستحمل في طياتها بعض المواقف التي تظهر ذلك التناقض بين الذات المجتمع و بين الذات و نفسها...
فقط أردت إعادة توجيه فكر السادة القراء الجدد و القدامي لهدفي الأول من إنشاء تلك المدونة ، و أن أشكر كل السادة القراء أكانوا مدونين أم قراء عاديين الذين تابعوني هذه الأشهر القليلة الأولي من عمر المدونة...

16 التعليقات:

Ramy يقول...

عندك حق يا حسنى

الله لم يخلقنا أوغادا

كلامك منطقى جدا

ممكن نكون معدومى الأرادة دة يمكن يكون أنا يا حسنى

بس يمكن انا بقى عندى أرادة أنفذ اللى انا عوزة لما بقى عندى هدف عاوز اوصله

فبقى مش هاممنى اى تعليق من حد هاممنى ازاى اقدر اكون استحق ان اوصل لهذا الهدف

بحاول أرجع انى اكون انسان مش ألات تقليد

لدرجة ان اللى حاوليا بقوا يبصولى انى بقيت انسان غريب
(:(:

شعور الأغتراب مش حاسة لأنى حاسس انى مش لوحدى

حاسس ان هدفى معايا فى كل لحظة مالى عليا هذه الحياة الغريبة

حسنى العفو يا صديقى انت تستحق المتابعة

انت تكتب فنحنُ موجودين لنقراء (:(:

ربنا يوفقك فى اللى جى

و نسمع عنك قريب كل خير(:(:

ربنا معاك دايما (:

أنا - الريس يقول...

بعد السلام والتحية
ازيك يا معلمي كيفك .. اتمني أن تكون في أتم حال حتي تنتج لنا من مخزونك العلمأدبي بجد مواضعيك بيكون فيها فكرة .. احيانا بوصلها واحيانا بتوه وسط الموضوع ..
اكثر فقرة عجبتني تلك التي تتحدث فيها عن الصراع بين الفرد والجماعة .
ولكن أحيانا يكون الفرد هو الصحيح والجماعة علي خطيء ربما عادات موروثة .. وتلك مشكلة أكبر من أن يكون الفرد علي خطا والجماعة علي صواب فالأول يحارب بكل ما يملكوه لخوفهم من فكره ، أما الثاني يبقي علي افضل حال منبوذ .. ولكن أحيانا المجتمع يحتاج لتضحية الفرد من أجل استمراره .. وتبقي التناقضات هيا ما تميز كنهنا الإنساني . في أمان الله . رغم إني اصبحت مش فاهم أي حاجة من تعليقي يارب يوصلك منه حاجة .

Mona يقول...

أن التخلى عن المبادىء هو قتل للأنسانية لا يبرره الأنسياق وراء الجماعة أوالشعور بالأغتراب فلن أرتشى أو أسرق لأسير مع قطيع من اللصوص لمجرد أننى الوحيدة التى لا أسرق أو لاأرتشى
أن قوة الارادة من الأيمان بالله وحسن الظن به - معلش المرة ديه أختلف معك

تحياتى

richardCatheart يقول...

كلامك حقيقى وصح مافيش خلاف عليه

وانا عن نفسى استمتعت جدا
بكل كتاباتك من اول ماجيت هنا
سواء اختلفت معها او اتفقت

ربنا معاك ويارب ديما من احسن لاحسن

راء يقول...

اها ما انا عارفة

وده كان باين في النص مش م الاول خالص

انه حاول يتمسك باللي اتربى عليه..ولما واجه المجتمع لاقاه حاجة عكس خالص

ف ردك اللي فات احب اقولك اني مجنونة وصدقت بجد انه عقد هدنة لأني مؤمنة بامكانية عقد مع النفس بعد المهادنات عشان نوصل لحل ونسيطر على الوضع الخارجي :)

وكويس طلعت بعرف الاحظ اهو

بالمناسبة عندي سؤال عشان اعرف انا في السيزون كام لهاوس بالظبط

ياترى لما اتحبس والراجل بتاع البوليس ده فضل يرخم عليه ويضغط عليه انهي موسم ده ؟؟؟؟!عشان انزل انا كمان حلقات جديدة واشمعنا :)

ربنا يرجعلكوا النت بالسلامة انا مجربة شحططة الموبايل

مصر اليوم يقول...

طريقتك و اسلوبك جميل اوووووووى

Unknown يقول...

رامي...
انتا لفت نظري لحاجة حلوة عمرها ما جت ف بالي ، ان المعتقدات و المبادئ الأصلية هي عبارة عن هدف مطلوب مننا نوصل لمستواه ، لكن اللي ناقصنا هو الإيمان بالهدف ذاته ، زي إيماني بفكرة اقتصادية لو طبقتها ف شركتي هاتسبب نجاح العمل ، بالظبط احنا عايشين في الدنيا لهدف سامي مطلوب منا الوصول ليه ، و عشان نوصل ليه لازم يكون عندنا إيمان بالعواقب الإيجابية اللي هتعود علينا منه ، و ساعتها مش هايهمك كلام حد...
الناس اللي عندها اكتفاء ذاتي في الحياة بأرائها و بإيمانها بمبادئها تستحق أعلي المراتب...
يا سيدي الله يحفظك ،ربنا يوفقنا جميعا...
نورتني يا رامي...

Unknown يقول...

سيادة الريس...
أنا بخير ياباشا طول مانتا بخير...
أنا مكنتش هقدر اكتب حاجة لولا متابعتك و متابعة السادة المحترمين ليا ، أكون كداب لو قلت اني ف يوم كتبت لنفسي ، و أكون كداب لو مقلتش اني بفرح بالتعليقات نقدا و تأييدا...
و رأيي في التدوين انه تبادلأ و مشاركة فكرية و الإنعزال ممنوع...
موضوع التوهان ده كان غباء مني ، تخيل أنا نفسي لما رجعت للبوستات القديمة فهمت الكلام بالعافية لولا اني كاتبه و افتكرت غرضي من كتابته مكنتش فهمت ، اوعدك هفتح مخي شوية و أحاول اكتب بوضوح بعد كده ، احنا عنينا ليك يا ريس...
شوف يا سيدي المشكلة هنا مش هانقدر نذكر فيها كلمة الصح و الخطأ ، لإننا بنتكلم بموضوعية شديدة عن أفكار و معتقدات افتراضية سواء داخل أي ثقافة ، مين صح بقا مين خطأ دي نقطة متغيرة من مجتمع للتاني ، لكن بردوا كن علي ثقة ان لو فئة قليلة خاطئة ستندثر سريعا وسط أفكار الجماعة و مش هايتسمعلها حس ، و بما ان الصحيح في مجتمعنا دلوقتي هوا الخطأ ، هتلاقي أن أصوات الحق سريعة الإندثار و الزوال ، أقرب مثال هو الدوشة اللي حصلت علي سفينة الحرية ، استنا كام اسبوع و مش هتلاقي حد فاكر ايه هيا سفينة الحرية أساسا...
اللي عايز أقوله ان دايما صوت الجماعة بيغلب و المنبوذ هايفضل منبوذ سواء كان علي خطأ أو صواب...
لكن طبعا لكل قاعدة شواذ زي مانتا عارف و ده اللي ربنا رزق بيه بعض الناس عن طريق تمكينهم في الأرض و نشر أفكارهم داخل الجماعة و التأثير فيهم...
لأ تعليقك وصلتني فكرته بالكامل بإذن الله...
نورتني يا سيادة الريس...

Unknown يقول...

مدام مني...
في فرق بين اللي مفروض أعمله ، و بين اللي بعمله...
و أكيد مش كلنا بنسرق و نرتشي لسبب بسيط ، مش كلنا موضوعين ف مجال بيتيح الرشوة أو السرقة ، لكننا بالتأكيد بنمارس ظواهر اجتماعية مخالفة للدين أو للتقاليد نتيجة الضغط الاجتماعي الواقع علينا ، و المصيبة الأكبر اننا نمارس الظواهر المخالفة مع نسيان المفروضات ، بمعني ان الموضوع يبقا عادي أعمل الغلط من غير حتي ماعرف انه غلط او أحس بتأنيب الضمير...
و للأسف اصبح المتمسك بدين الله و المبادئ هو من شواذ القاعدة...
الواقع مؤلم ، لكنه الواقع في النهاية و تغييره صعب في الوقت الحالي...
أنا سعيد جدا باختلافك معايا لإنه اداني فرصة الكلام و النقاش مع حضرتك...
نورتيني جدا يا مدام مني...

Ramy يقول...

اية اللى مسهرك

و بتعلق روح صلى و ابقى طمنى على النتيجة

معلش ملحقتش اتصل

انا اسف

Unknown يقول...

ريتشارد...
بعد الفجر هنام زي المكروباص المقلوب ، هرد عليكي بكرة سامحيني ، مش أول مرة عادي بقا :) :)

Unknown يقول...

مانا رايح أصلي متخافش :) :)
النتيجة لسة بردوا مظهرتش هنزل يوم التلات تاني اشوفها ، ولا يهمك يا باشا المهم انك بخير و الحمد لله ، بإذن الله أول ما النتيجة تظهر هتصل بيك قبل ماتصل بابويا :) :)

Alice يقول...

انا بس كنت عايزة اقول ان مدونة جميلة
انا متابعاها من مدة
حضرتك معاك حق فى كلامك
بالتوفيق ان شاء الله وللامام دايما

Unknown يقول...

ريتشارد...
الله يحفظك ده كله من ذوقك ، و الله انا اللي استمتعت بكل مرة اتكلمت فيها معاكوا في التعليقات ، ساعات بحس اني بكتب البوستات دي تلاكيك عشان اتكلم معاكوا :)
مش هبالغ لو قلت ان في مدونين هنا بعتبرهم عيلتي التانية...
نورتيني يا ريتشارد...

Unknown يقول...

آنسة رضوي...
اي ده بجد و ربنا ؟ دانا كنت فاكر اني بدأت بالفكرة و سرحت مع نفسي بعد كده :) طب الله يطمنك...
مش عارف و الله في ناس كتير بشوفها عندها ثقة ف نفسها لدرجة الكلام معاها و عقد الهدنات و غيره ، أنا علاقتي بنفسي مش اللي هيا و راكنها ع الرف من زماااااان ، مش بثق فيها بالقدر الكافي...
المحقق الرخم فضل وراه في النص الأول من الموسم التالت ، يعني انتي كده في الموسم التالت ، و هاوس مش هايتحبس غير ليلة واحدة في الآخر عشان عامل هيئة المحكمة بقلة ذوق و ساب الجلسة ، و الله ماعرف ليه المشاهد منا دايما بيكون في صف هاوس مع انه واطي و قليل الذوق و يستاهل اللي يجراله :) نهاية الموسم التالت مفاجأة هاتقلب احداث المسلسل تماما...
يسمع من بوقك ربنا ، مع اني خلاص اتعودت ع الموبايل و الأنتخة في السرير وقت التعليقات و الكتابة كمان :) كويس اني مش المجنون الوحيد اللي بيدخل نت موبايل :)
نورتيني جدا...

Unknown يقول...

أليس...
ليكي مني تحية خاصة بصفتك احد المتابعين الصامتين ، متشكر أوي لكلامك ده و يارب تفضلي متابعاني دايما...
نورتيني أليس...

Share |