10:48 صباحا...
بتوقيت جهنم...
بتاريخ النهاردة...
من أمام كنترول كلية أداب...
في إنتظار النتيجة...
و محدش يسألني جبت منين البال الرايق عشان أكتب...
جايز بضيع وقت عبال ماالكنترول يفتح...
جايز بحاول اضيع التوتر في اي حاجة...
المحاضرة أتلغت...
و العدد قليل...
عشان بكرة عيد المسيحيين...
و بعده شم النسيم...
و أوديت مجتش...
ولا بشوي...
قاعد علي سور الدور...
خايف أقع...
أه و الله...
خايف أقع...
دانا محول...
محول ياناس...
و مفيش احساس...
و الوقعة المرة دي مافيهاش تجبيس...
ولا غرز...
ولا إنعاش...
لإن حتي لو في فرصة للتجبيس...
او للغرز...
أو للإنعاش...
هتجاب من قفايا يعني هتجاب...
يارب ماشلش اكتر من مادة...
يارب ماشلش أكتر من مادة...
و إلا العلقة هاتبقا حادة...
اتبرع ولو بدعوة...
تعاطفك وحده مش كفاية...
-------------------------------------------------------
12:27 مساءا...
شلت مادة...
شلت الإحصا...
بس نجحت...
إسمي نجحت...
الحمد لله...
ربنا يستر من اللي جاي...
ربنا يستر من اللي جاي...
6 التعليقات:
مبررررررررررررررررررررررررروك
مبروك يا سحس
و ماشاء الله عليك
اسلوبك تجسن و مستواك بيرتفع من تدوينة لأخري
بس اصبر عليا امخمخلك و اشتغلك فى النقد البناء و الهدام :)
الف الف مبروك عقبال الترم التانى
الله يبارك فيكي يا آ’نسة داليا و عقبالك...
الله يبارك فيك يا بي...
و بعدين نقد ايه بس دانا لسة بقول يا هادي..روح للناس التقيلة صحاب المدونات المعروفة و سيبنا ناكل عيش :D
alf mbr0k z7z w 302pal l trm l tany insha2allah l0l0l0l0ly
الله يبارك فيك يا مهدي...عقبالك يارب
إرسال تعليق